| e-texts navigator |
| Wylie |
412a1 ཚོགས་རྔམ་པར་བདག་བྱས་ཏེ།། རྡོ་རྗེ་འབར་བའི་མིག་ནས་ནས།། མཐིང་ནག་ཧཱུཾ་གི་སེང་ཆེན་ནི།། འཁོར་བའི་རོ་གླིང་ཁམས་སུ་སྤྲོ།། བསྒྲལ་བའི་དུར་ཁྲོད་མཐའ་དག་ཀུན།། ཡེ་ཤེས་རོལ་པའི་ཞིང
412a2 དུ་བལྟ།། ཁྲོ་བོ་གྱད་ཀྱི་འདོར་ཐབས་ཀྱིས།། ཚམ་ངམ་ཆེན་པོའི་རྔམ་ཚུལ་གྱིས།། དཔའ་བོ་རྡོ་རྗེའི་འཛུར་འགྲོས་སྦྱར།། ཐབས་ཆེན་བཅོ་བརྒྱད་སྟབས་ཀྱིས་སྦྱར།། འཇོ་ཚུལ་ཐབས་ཀྱི་འགྲོ་སྟབས་ཀྱིས།། འཛེམ
412a3 ཚུལ་ལྟ་ཞིང་རྣམ་པར་རྩེན།། སྒྲ་སྐད་གྱུར་ཞིང་ཧེ་ཧེས་སྒྲོགས།། འཐབ་ཅིང་རྩོད་པས་རྣམ་པར་རྔམ།། འབྲི་ཚུག་ལྟ་ཞིང་འདྲོག་ཚུལ་སྤྱོད།། གཡས་སུ་ལྟ་ཞིག་གཡོན་དུ་འགྱུར།། ཡིད་མ་ཆེད་ཏེ་ཕྱིར་ཡང་བལྟ།། སྡང
412a4 མིག་ལོགས་ཀྱི་ཁྱད་པར་བལྟ།། རྡོ་རྗེ་འགྲོས་སུ་རྒྱུག་ཅིང་འགྲོ།། ཧ་ཧ་རུ་ལུའི་རྔམ་སྒྲ་སྒྲོགས།། སོ་སོའི་བརྡ་སྐད་འབྱིན་བྱེད་ཅིང་།། རྟོད་པའི་ཚུལ་གྱིས་མཆོང་ཞིང་རྒྱུག། ཡིད་བཞིན་གཏེར་ཆེན་ཁ་ཕྱེ་ནས། འདོད
412a5 འབྱུང་རིན་ཆེན་ཕུང་པོ་དེ།། འཁོར་བའི་རྣམ་སྨིན་དབྱིས་ཕྱུང་ནས།། རྣམ་གསུམ་དུག་ཆེན་གཏན་སྤྲུགས་ནས།། ཐུགས་རྗེ་རྔམ་པའི་ཁ་ལོང་ཁ།། རྡོ་རྗེ་འབར་བའི་ཚོགས་ཆེན་གྱིས།། དངོས་གྲུབ་ལོ་ཏོག་ཕྲལ་ནས
412a6 ཀྱང་།། རྡོ་རྗེ་བཞིན་ཕྱོགས་མ་ནོར་བར།། ཤེལ་ཕུར་གཉིས་ཀྱིས་གསང་གནས་བཟུང་།། ངེས་པར་གཤིན་པའི་གཞི་མ་ལ།། ཅུང་ཞིག་བརྟོད་དེ་ཉེ་འཁོར་བསྒྱུར།། བཞིན་ཕྱོགས་གང་ལས་ལེགས་ཉེས་བརྟག། ཕྱི་ཡི
iiif viewer powered by OpenSeadragon
