| e-texts navigator |
| Wylie |
411a1 ལྔ།། གནས་བཀོད་འཕྲོས་པས་མཐའ་ཡས་བཀང་།། ཐམས་ཅད་སྟོངས་ཤིང་ཟད་བྱས་ནས།། འདུས་པའི་ཡི་གེ་ལྔ་རུ་གསལ།། དེ་ལས་ཕྱག་མཚན་ཡེ་ཤེས་ལྔ།། མི་གནས་ཡེ་ཤེས་ངང་དུ་ཐིམ།། སྤྲིན
411a2 པའི་ཕུང་པོར་སྨིན་པ་དེ།། རྡོ་རྗེ་རོལ་པའི་རྔམ་ཚོགས་ཀྱིས།། འཇོ་ཚུལ་སྟབས་ཀྱིས་སྦྱར་བར་བྱ།། ཁ་ཊྭཱཾ་ལ་སོགས་སྔགས་བཅས་པས།། བསྒྱེལ་ཏེ་མ་རིག་སྒོ་དབྱེ་བྱ།། རྣམ་ཤེས་དབུགས་ཀྱི་སྒྲོམ་དྲངས་ལ།། རྡོ་རྗེ
411a3 རྒྱལ་པོའི་རླུང་སྒྲོམ་དུ།། བསྡུས་ཏེ་རྡོ་རྗེ་དབུགས་ཅན་ལ།། ཧཱུཾ་བྱས་སྒྲིལ་མ་དེ་ལ་བསླན།། གསང་བ་ཐུགས་ཀྱི་དཀྱིལ་འཁོར་དུ།། མཚོན་གང་འོད་དུ་བསྟིམ་པར་བྱ།། ཡུ་ཏི་ཨ་ཧཾ་གིས་སྦར་ཏེ།། གསལ་ན་དེ་དང
411a4 མཉམ་དུ་གསལ།། རྡོ་རྗེ་ཚེ་ལ་བསླན་པར་བྱ།། རྡོ་རྗེ་རླུང་གིས་དབུགས་སྦར་ཏེ།། ཐུགས་ལས་རླུང་སྒོམ་ལམ་དུ་སྦྱར།། ནམ་མཁའ་ཆོས་ཀྱི་གཞལ་ཡས་སུ།། ཉི་མའི་སྟེང་ན་ཧཱུཾ་དུ་གསལ།། ཡེ་ཤེས་སེམས་དཔའ
411a5 ཚོན་གང་བ།། ཉི་ཟླ་གའུའི་བར་ན་གསལ།། ཨ་ཡང་ཕཊ་གྱིས་བསྐྱོད་འཕངས་པས།། རྡོ་རྗེ་སེམས་དཔའི་ཐུགས་ཀར་འཕྲོས། ཡེ་ཤེས་སེམས་དཔར་གསལ་བ་ལ།། དངོས་པོར་སྣང་བ་འཛིན་དང་བྲལ།། གཡོ
411a6 འགུལ་འཕར་འཕྲིག་མ་ཆད་པར།། རྡོ་རྗེ་མིང་གི་དབང་བསྐུར་ཏེ།། རིག་ཀྱི་ལྷ་དང་སྙིང་པོའི་སྦྱིན།། རྡོ་རྗེ་གདུང་བའི་གླུ་བླངས་ཏེ།། མན་ངག་གནས་ཀྱི་སྨོན་ལམ་གདབ།། བཞི་ཚལ་དག་ཏུ་བྱས་ནས་ནི། སྨན་གྱིས
iiif viewer powered by OpenSeadragon
