| e-texts navigator |
| Wylie |
410b1 བསྐལ་པ་མེ་དཔུང་ལྟ་བུ་སྟེ། བདག་ཅག་རྣམས་ཀྱི་རྟོག་པ་སོ་སོར་ཇི་ལྟར་མོས་པར་ལྟར་བཤད་དུ་གསོལ་ཞེས་ཞུས་པ་ལས། བཅོམ་ལྡན་འདས་ཀྱིས་དགྱེས་པ་ཆེན་པའི་བཞད་པ་མཛད་ནས། རིགས་ཀྱི་བུ་རྣམས
410b2 ནི་དེ་ལྟར་ཞུ་བར་ལེགས་ཀྱིས་ཤིན་ཏུ་ཉོན་ཅིག་ཁྱེད་རྣམས་ཀྱི་སྤྱོད་པ་མི་དགག་པར་ཇི་ལྟར་དགའ་བའི་བསམ་པ་སོ་སོར་རངས་པར་བྱ་སྟེ། འཇིག་རྟེན་མཚན་མའི་སྤྱོད་པ་བསམ་གྱིས་མི་ཁྱབ་པ་རྣམས་གསང
410b3 སྔགས་ཀྱི་དཀའ་ཐུབ་ཆེན་པོར་བྱའོ།། རང་རང་གི་སྤྱོད་པ་མ་བཀག་པར་སྒོ་གསུམ་ལྷུག་པར་སྤྱོད་ཅིག་དེ་ནས་སེམས་དཔའི་རྡོ་རྗེས་ཡང་འདི་སྐད་ཅེས་གསུངས་སོ། ཀྱེ་མའོ་ཐོད་པ་ཅན་གྱི་ཚོགས།། བུད་མེད་བུད
410b4 མེད་ཐམས་ཅད་ཀུན།། སྐྱེད་པར་བྱེད་པའི་རྟེན་ཡིན་ཏེ།། འབྲས་བུ་སྨིན་པའི་ཞིག་ཡང་ཡིན།། བསྒྲལ་ཞིང་གདོན་པའི་གནས་ཡིན་ཏེ།། ཤེས་རབ་དགའ་བའི་ཡུལ་ཡིན་ནོ།། འདི་ལ་སེམས་གསུམ་གསན་པ་སྟེ།། ཡེ
410b5 ནས་དག་པ་ཆོས་ཉིད་སེམས།། མཁའ་དང་སྤྱོད་པ་བྱང་ཆུབ་སེམས།། སྙིང་རྗེ་སྒྲོལ་བ་གསུམ་སྦྱར་ཏེ།། ཆོས་ཉིད་གསང་བ་ཉི་ཤར་ཁྱབ།། སྙིང་རྗེས་སྒྲོལ་བ་གསུམ་གྱིས་སྦྱར།། ཏིང་འཛིན་བྱིན་བརླབས་ཡེ་ཤེས
410b6 ཀྱིས།། ཆོས་ཉིད་དུར་ཁྲོད་མཁའ་ལ་བསྒྲལ།། བསྒྲལ་བའི་རྒྱུ་མཆོག་མན་ཆད་ནས།། ཤེལ་ཆེན་ཙ་ར་ལ་སོགས་པ།། དེ་ལ་རྒྱུ་དྲུག་ས་བོན་གདབ།། རང་བཞིན་ཡེ་ནས་དེ་གཞོམ་བྱ།། ཁྱད་པར་འདས་པའི་ཡི་གེ
iiif viewer powered by OpenSeadragon
