| e-texts navigator |
| Wylie |
410a1 ཡིན།། ཁྲལ་ལ་སོགས་པའི་རྫས་ཆེན་ལྔ།། དེ་ཉིད་དངོར་པོར་དེ་བརྟགས་ན།། འབྱུང་པོ་ཁྲག་གི་དྲི་མནམ་པའི།། ལུས་ལེན་རིགས་ནི་འཛིན་པ་ཡི།། མ་བདུན་རྔམ་པའི་ཆ་ལུགས་སུ།། གང་ཞིག་རྟོག
410a2 པ་དེར་གོ་ན།། སྲིན་མོ་མི་སྡུག་ཤ་ཟ་མོ།། ལངྐའི་ཡུལ་དུ་དེ་དག་འཁོར།། མཚན་མའི་བླ་ཐབས་མགོ་བརྙན་ཅན།། དེར་བཙན་དེར་བཟུང་དམིགས་པས་ནི།། ཤོ་གམ་གནས་ཀྱི་གཅན་ཆེན་རིགས།། འཛིན་ཅིང
410a3 གནས་དེར་རྟོགས་པར་འགྱུར།། ལས་ཀྱི་དབང་བཙན་བྲན་མོའི་ཚོགས།། དེ་འདྲ་ཉིད་དུ་དེ་བརྟགས་ན།། གནོད་སྦྱིན་ཆེན་མོའི་ཚོགས་སུ་འགྱུར།། གཞན་གྱི་ཚེ་ལ་འཚེ་བ་ཡིན།། དེས་ན་མདུད་པ་ཆེན་པོ་འདི།། ཁུར
410a4 དུ་བཤལ་བའི་གདོས་ཡིན་ཏེ།། འཆལ་བས་ལྟ་བའི་མིག་ལོང་སྟེ།། སེམས་ཀྱི་ནོར་བུ་རིན་ཆེན་དེ།། རྟག་ཆད་ཁམས་སུ་སྟོར་བར་འགྱུར།། དེ་ལྟའི་སྐྱོན་ཆེན་སྤང་བར་གྱིས།། དེ་སྐད་ཅེས་བཀའ་སྩལ་པ་ལས་ཐོད་པ
410a5 ཅན་གྱི་ཚོགས་རྣམས་རྟོགས་པའི་འདུ་ཤེས་ཀྱིས་ཟིན་ཅིང་རང་རང་གི་སྤྱོད་པ་ལ་སྐྱོ་བ་སྐྱེས་པ་གྱུར་རོ།། དེ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཨེ་མའོ་བཅོམ་ལྡན་འདས་བདག་ཅག་རྣམས་ཀྱི་དམ
410a6 ཚིག་ནི་ལོག་པའི་དཀའ་ཐུབ་ཏུ་འགྱུར་བ་ལགས་ན། འདི་དག་ཡང་དག་པའི་དཀའ་ཐུབ་ཏུ་གནས་པར་འཚལ་ན། ཆོས་ཐམས་ཅད་ནི་སྒྱུ་མ་ལྟ་བུ་སྟེ། ཅིར་ཡང་འགྱུར་བ་ལགས་སོ།། གསང་སྔགས་ཆེན་པོའི་སྒོ་ནི
iiif viewer powered by OpenSeadragon
