| e-texts navigator |
| Wylie |
40b1 སྣང་བའི་ཆོས་ཐམས་ཅད་ཀྱང་རིག་པའི་ཀློང་ཆེན་པོར་ཕེབས་ན། མཉམ་པ་ཉིད་རང་རིག་པའི་ཀློང་ལམ་ཆེན་པོ་ལས་མ་བྱུང་བའི་ཆོས་ནི་གང་ཡང་མེད་པ་ལ། སེམས་ཀྱི་སྣང་ཚུལ་བསམ་གྱིས་མི་ཁྱབ་པ་ཡང་།
40b2 རིག་པ་ཉིད་ཀྱི་རྩལ་ལས་བྱུང་ཞིང་གཞན་མེད་དེ། བདེ་བར་གཤེགས་པའི་རིགས་ཐམས་ཅད་དང་། རིགས་ལྔར་གྱུར་པའི་སངས་རྒྱས་དང་། ཡབ་ཡུམ་སྲས་དང་བཅས་པའི་འཁོར་ཕུན་སུམ་ཚོགས་པ་ཡང་། རང་གི
40b3 རིག་པའི་རྩལ་དང་དེ་རུ་བྱུང་བ་ལས་གཞན་མེད་དོ།། རྒྱུ་རྐྱེན་ནུས་པའི་མཐུ་རུ་སྣང་བ་ཉིད་ཀྱང་། བྱང་ཆུབ་སེམས་ཀྱི་ཆོ་འཕྲུལ་ཡིན་ཏེ། སྣང་བ་ཐམས་ཅད་རང་གི་རིག་པ་བྱང་ཆུབ་ཀྱི་སེམས། ཡུལ་སེམས་དབྱེར
40b4 མེད་པར་ཐམས་ཅད་མཉམ་པ་ཉིད་ཀྱི་རང་བཞིན་དུ་གྱུར་པ། རིག་པ་རང་གི་ངོ་བོ་བརྗོད་པ་དང་བྲལ་བའི་མཐུས་གསང་བ་རྣམ་གསུམ་གྱི་དཀྱིལ་འཁོར་དུ་གྱུར་པ་ཐམས་ཅད་མི་འགལ་བར་རང་ལས་བྱུང་བ། ཡེ
40b5 ཤེས་ཀྱི་སྣང་བ་དང་། ཡུལ་གྱི་སྣང་གཞི་དང་། མངོན་པར་ཤེས་པའི་རྫུ་འཕྲུལ་ནམ་མཁའ་རི་བྲག་གཡང་ས་གང་ལ་ཡང་ཐོགས་པ་མེད་པར་འགྲོ་བ་དང་། སྤྲུལ་པ་སྣ་ཚོགས་ཇི་ལྟར་འཚམས་པ་བཞིན་དུ་སྦྲུལ་ནུས
40b6 པ་དང་། གསུང་དབྱངས་ཡན་ལག་དྲུག་ཅུའི་སྒོ་ནས་བསྟན་པ་རྒྱ་མཚོ་སྒྲོགས་པ་དང་། ཁམས་མང་ཞིང་རྒྱ་ཆེ་བའི་སྟོང་གསུམ་ཐམས་ཅད་ཀྱང་ཕྱོགས་མེད་རིག་པའི་ཡེ་ཤེས་རང་ཤར་བའོ།། སྣང་ཞིང་སྲིད་པས
iiif viewer powered by OpenSeadragon
