| e-texts navigator |
| Wylie |
40a1 ཡང་ཆོས་ཉིད་གཞིར་གྲུབ་པས།། ཆོས་སྐུ་རང་ཆས་སུ་གསལ་བའོ།། གསལ་བའི་ངངལ་བསྟན་ནུས་ན།། འཁོར་བའི་གཏིང་ནས་བཟློག་པ་སྟེ།། དེ་ཉིད་བྱང་བ་དང་བཅས་ཤིང་།། རླུང་འབའ་ཞིག
40a2 གིས་བསྐྱེད་པ་ནི།། འཁོར་བར་འགྲོ་བའི་འདྲེ་མ་ལྟ་སྟེ། རླུང་འབྱུང་ལྡོག་གིས་འཁོར་བའི་ལམ་འདྲེན་ཅིང་ཡེ་ཤེས་ཀྱི་མེ་གསོད་པའོ།། དེ་ཕྱིར་བཏང་སྙོམས་མི་བསྒྲིམ། བྱུང་ཚོར་གློད་ལ་བཞག་གོ།། རིན་པོ་ཆེ
40a3 འཁོར་ལོ་བརྩེགས་པའི་རྒྱུད་ལས། རང་བཞིན་ཁྱད་པར་གྱི་ལེའུ་སྟེ་བཞི་པའོ།། །། དེ་ནས་ཡང་ཉིད་ཀྱི་རང་བཞིན་གྱིས་ངོ་བོ་བདེ་བ་ཆེན་པོ་ལ་བཀའ་སྩལ་པ། གཞི་འཛིན་ཅིང་རྩལ་འཆར་བའི་བྱང་ཆུབ
40a4 སེམས་ནི། འཁོར་འདས་གང་ཡང་རྒྱ་མ་ཆད་ལ་གང་གིས་ཀྱང་གཏན་ལ་ཕེབས་པ་དཀའ་སྟེ། དེ་ཅིའི་ཕྱིར་ཞེ་ན། དངོས་པོར་མ་གྲུབ་ཅིང་སྣ་ཚོགས་སུ་འབྱུང་བས་རྒྱུ་རྐྱེན་དང་བྲལ་ཏེ་སྙིང་པོ་མེད་པའོ།། དེ་ཡང་ནི
40a5 རང་གི་རིག་པའོ།། སྔོན་རོལ་དུ་རིག་པའི་ཡེ་ཤེས་སུ་མཁྱེན་ཟིན་ཏེ།། དོན་མ་རིག་པའི་གནས་སྐབས་ཙམ་གྱིས་ཀྱང་བར་མ་ཆད་དེ། རིག་པ་ཐོད་རྒལ་དུ་སངས་རྒྱས་ཟིན་པའོ།། དུག་རྣམ་པ་ལྔར་སྣང་ཡང་མ
40a6 འཁྲུལ་པའི་ཡང་ཁོང་དུ་ཡེ་ཤེས་ཀྱི་རང་བཞིན་དུ་གསལ་བས་དུག་ལྔ་མ་སྤངས་པར་རང་དག་ཟིན་པའོ།། ད་ལྟ་འཁྲུལ་པ་ལྟར་སྣང་བ་ཡང་ངོ་ཤེས་ཤིང་རྟོགས་པས་གྲོལ་བ་ཡང་སྔར་གྱི་རང་སའོ།། སྣང་བ་དང་མི
iiif viewer powered by OpenSeadragon
