| e-texts navigator |
| Wylie |
409b1 འགྱུར་རམ།། ཤ་དང་ཁྲག་ལ་སོགས་པའི་ཟས།། དགུ་པའི་རྔད་ཟས་ཆེན་པོ་སྟེ།། གང་གིས་ཟོས་པའི་ལུས་རྣམས་ལ།། འབྱུང་པོ་དྲི་ཟ་ཀུན་འདུས་ནས།། དྲི་མནམ་རོ་དང་བཅུད་རྣམས་འབྱིན།། དེས་ནི་གཟི་མདངས
409b2 ཡབ་འགྱུར་ན།། ཅི་ཕྱིར་ཅི་སྟེ་དེ་རྣམས་བཟའ།། སེམས་ཉིད་རིན་ཆེན་ཡོད་བཞིན་དུ།། གཞན་གྱི་རིན་ཆེན་སྤྱོད་བྱེད་པ།། ལོག་པས་ལོག་པ་ལེན་པའི་ཆོས།། འདི་དག་མདུད་པ་དམ་པོ་ཡིན།། དཀར་གནག་ལས་ལ
409b3 ཁྱད་མེད་ཅེས།། ཐམས་ཅད་ཁྲ་བོས་སྤྱོད་པ་ནི།། རིགས་མེད་རིགས་ཆད་ལོག་པའི་ལས།། འབྲས་བུ་ལོག་པའི་ཁམས་སུ་འགྱུར།། བདེ་གཤེགས་གཉིས་བྱའི་ལས་རྣམས་ལ།། ཡན་ལག་ཚིག་ཏུ་མ་དག་ན།། ཉེས
409b4 བྱས་ལས་ཀྱི་རྒྱུ་དེས་ནི།། གང་གི་དུས་རྣམས་ཐམས་ཅད་དུ།། དབང་པོ་ཡན་ལག་མ་ཚང་ཞིང་།། དྲན་པའི་སྙིང་པོ་ཉམས་པར་འགྱུར།། རིག་པ་འཛིན་པའི་རྣལ་འབྱོར་པས།། བདེར་གཤེགས་རྒྱལ་བ་སྒོམ་ཟློས
409b5 པ།། ཆོ་འཕྲུལ་ཁྲོ་ཚུལ་བསྟན་པ་ལྟར།། མཚན་མ་ཉིད་དུ་དེར་གོ་ན།། ལས་ཀྱི་སྲིན་པོའི་རིག་འཛིན་ཡིན།། རྒྱན་དང་ཆ་ལུགས་ཐམས་ཅད་ཀུན།། མཚན་མ་ཉིད་དུ་བརྟགས་གྱུར་ན།། ཅི་ལའང་རྟོག་ཅིང་ཆགས་པ
409b6 ཡི།། འཛིན་པའི་ཕུར་པ་ཆེན་པོར་འགྱུར།། ཨ་དང་ཧཱུཾ་ལ་སོགས་པ་ཡི།། རྒྱུ་ཡི་ཡི་གེ་ཐམས་ཅད་ཀུན།། མཚན་མ་ཉིད་དུ་དེར་བརྟགས་ན།། ཙནྡན་སྦྲུལ་གདུག་ལ་སོགས་པར།། ལྷུང་འགྱུར་རྟོག་པའི་གེགས་ཆེན
iiif viewer powered by OpenSeadragon
