| e-texts navigator |
| Wylie |
409a1 ཅན་ཐམས་ཅད་གསད་པ་གཉིས།། ཡང་དག་རིག་ལ་ཐ་དད་མེད།། ནམ་མཁའ་དག་ལ་རྡུལ་དང་ཆུས།། ཇི་ལྟར་མི་ཆགས་པ་བཞིན་ནོ།། གང་ཞིག་ཁྲེལ་དང་འཛེམ་ལྡན་ན།། དོགས་པའི་རྟོག་པ་དེ
409a2 བཟུང་བས།། དམྱལ་བ་ཆེན་པོར་ལྟུང་བར་འགྱུར།། ཆགས་པའི་སྤྱོད་པ་ལ་སོགས་ཀྱིས།། ལུས་རྣམས་གདུང་བར་བྱེད་པ་ཡི།། སེམས་ཅན་དེ་ནི་འདུ་ཤེས་ཆུང་།། ཞེས་གསོལ་ཏོ།། དེ་ནས་བཅོམ་ལྡན་འདས་སེམས
409a3 དཔའི་རྡོ་རྗེས་འདི་སྐད་ཅེས་གསུངས་སོ།། ཨེ་མའོ་ཐོད་པ་ཅན་གྱི་ཚོགས།། ཁྱེད་ཀྱིས་སྨྲས་པའི་ཚིག་འདི་རྣམས།། མདུད་པས་བཅིངས་པའི་ཚིག་ཡིན་ཏེ།། ཁུར་དང་བྲལ་བར་མི་འགྱུར་རོ།། ཡང་དག་ཡང་དག
409a4 ཅེས་སྨྲ་བ།། ཡང་དག་ཉིད་ཀྱི་མདུད་པ་སྟེ།། མདུད་པ་བཀྲོལ་བ་མ་བྱས་ན།། ཐ་རམ་ཕྱེད་པར་མི་འགྱུར་རོ།། ཚམས་པའི་ལས་རྣམས་སྦྱོར་བ་དག། ཆགས་པའི་དབང་གིས་དེར་སྦྱོར་ན།། དེ་དག་དེ་ཡི་གྲོང་ཁྱེར
409a5 དུ།། གནས་འགྱུར་དེ་ཡི་སེམས་ཅན་ཡིན།། འདུ་ཤེས་སྦྱར་བའི་ལས་ཆེན་དག། སྡང་བའི་དབང་གི་སེམས་ཤོར་ན།། ཤན་པ་གསོད་པའི་རིག་འཛིན་དུ།། ལྟུང་འགྱུར་སྡིག་པའི་རི་བོ་ཡིན།། རྒྱལ་བ་རྣམས་ནི་གཙང
409a6 བས་ན།། གང་ཚེ་བདེ་གཤེགས་རྒྱལ་བའི་ཞལ།། མི་གཙང་རྣམ་པ་སྣ་ཚོགས་ཀྱིས།། ཡོངས་སུ་བསྟབས་པར་གྱུར་ན་ཀོ། དེ་ཚེ་ལས་ཀྱི་རྣམ་སྨིན་གྱིས།། ཐར་མེད་ནད་ཀྱིས་བཟུང་ནས་ནི།། འདམ་དུ་བྱིང་བར་མི
iiif viewer powered by OpenSeadragon
