| e-texts navigator |
| Wylie |
407b1 ཀྱིས་དམ་ཚིག་ནི་བཅོམ་ལྡན་འདས་ཀྱིས་མ་གསུངས་སོ་ཞེས་གསོལ་པ་ལས།། བཅོམ་ལྡན་འདས་ཀྱིས་བཀའ་སྩལ་པ།། མིའི་ཐོད་པ་ཅན་རྣམས་རང་རང་ཇི་ལྟར་དགའ་བའི་དམ་ཚིག་རྣམས་སྤོབས་པ་སྐྱེད་ལ་ཕུལ
407b2 ཅིག་ཅེས་གསུངས་པ་ལས། འདོད་ཆགས་ཀྱི་རིག་འཛིན་བྲམ་ཟེའི་མིའི་ཐོད་པ་ཅན་རྡོ་རྗེ་ཐལ་བའི་དབྱངས་ཞེས་བྱ་བས་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ཅག་གི་དམ་ཚིག་ནི་འདི་ལྟ་སྟེ།། མ་དང
407b3 སྲིང་མོ་བུ་མོ་དང་།། རྒྱུ་དང་མི་རྒྱུའི་འཇིག་རྟེན་གྱི།། བུད་མེད་ཐམས་ཅད་ཐམས་ཅད་ལ།། འདོད་པའི་ཆགས་པ་ཅི་སྤྲད་ཀྱང་།། ཡང་དག་རིག་ན་མི་གོས་སོ།། ཞེས་གསོལ་ཏོ།། དེ་ནས་རིག་འཛིན་རཀྵ་མིའི་ཐོད་པ
407b4 ཅན་ཞེས་བྱ་བ་དེས་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་གི་དམ་ཚིག་འདི་ལྟ་སྟེ།། བདག་ནི་གསོད་ལ་དགའ་བ་སྟེ།། སེམས་ཅན་ཐམས་ཅད་བསོད་ནས་ཀྱང་།། ཟག་པ་མི་གཙང་སྙིགས་མ
407b5 དང་།། མི་ཤ་ལ་སོགས་ཐམས་ཅད་ཀུན།། ཟོས་ན་དམ་ཚིག་མཆོག་ལགས་ཏེ།། མཐུ་དང་གཟི་བྱིན་འཕེལ་བར་འགྱུར།། བདག་གི་དམ་ཚིག་དེ་ལགས་སོ།། ཞེས་གསོལ་ཏོ།། དེ་ནས་ཡང་གནོད་སྦྱིན་རིག་འཛིན
407b6 ཡཀྵ་མིའི་ཐོད་པ་ཅན་ཞེས་བྱ་བས་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་གི་དམ་ཚིག་འདི་ལྟ་སྟེ། མི་ཡི་བདག་པོ་ཐམས་ཅད་ལ།། འདོད་པ་ཐམས་ཅད་འཕྲོག་པ་དང་། གསེར་ལ་སོགས་པར
iiif viewer powered by OpenSeadragon
