| e-texts navigator |
| Wylie |
407a1 འབར།། དེ་བཞིན་རིན་ཆེན་འཁོར་ལོར་འབར།། སོ་སོའི་རིགས་རྣམས་གཙོར་གཞག་སྟེ།། འཁོར་ནི་དེ་བཞིན་མི་འགྱུར་བར།། རྣམ་པར་བཀོད་དེ་ལེགས་སྦྱར་ནས།། བསྙེན་པ་དང་ནི་ཉེ་བསྙེན
407a2 པ།། བསྒྲུབ་དང་སྒྲུབ་ཆེན་རྫོགས་པར་བསྒྲུབ།། ཏིང་འཛིན་རྩལ་གྱི་ཁྱད་པར་ནི།། སོ་སོའི་རིག་ནི་གང་ཡིན་པ།། ཏིང་འཛིན་བྱེ་བྲག་མང་པོ་ལ།། ཡིད་ཀྱི་སྦྱོར་བ་གསལ་བར་བྱ།། དེས་ནི་རིག་འཛིན་གང་འདོད
407a3 པ།། གསོལ་བར་ངེས་པར་འགྲུབ་པ་ཡིན།། ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྡོ་རྗེ་རིག་འཛིན་བསྒྲུབ་པའི་ལེའུ་སྟེ་བཅུ་གསུམ་པའོ།། །། དེ་ནས་ཡང
407a4 སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ།། འདུས་པ་ཆེན་པོའི་ཚོགས་ཆོས་ཐམས་ཅད་ནི་བླང་དོར་མེད་པར་རིག་པར་བྱའོ།། ཆོས་ཉིད་མཉམ་པའི་རང་བཞིན་ལ།། བཟང་ངན་རྟོག་པའི་ཚིག་དང
407a5 བྲལ།། བདག་དང་གཞན་དུ་དབྱེར་མེད་དེ།། གཙང་དང་མི་གཙང་གཉིས་སུ་མེད།། ཅེས་གསུངས་སོ།། དེ་ནས་འཁོར་དེར་འདུས་པར་གྱུར་པའི་རིག་འཛིན་མིའི་ཐོད་པ་ཅན་མང་པོ་དག་རྣམ་པར་བཀོད་པ་རྣལ
407a6 འབྱོར་གྱི་གྲལ་ནས་ལངས་ཏེ།། ཨ་ལ་ལ་ཧོ་ཞེས་བྱ་བའི་སྒྲ་ཆེན་པོ་བརྗོད་ནས་འདི་སྐད་ཅེས་གསོལ་ཏོ།། བཅོམ་ལྡན་འདས་ཀྱིས་བཀའ་སྩལ་པ་ལ་བདག་ཅག་ཤིན་ཏུ་གནས་པར་འཚལ་ན།། བདག་ཅག་རྣམས
iiif viewer powered by OpenSeadragon
