| e-texts navigator |
| Wylie |
406b1 དང་།། དབང་བསྐུར་བ་ཡི་ལས་རྣམས་བྱ།། འདོད་པར་བྱ་བ་སྒྲུབ་པ་དང་།། གཏོར་མ་ལ་སོགས་རྫས་ཀྱི་རྣམས།། ཆ་གསུམ་དག་ལ་བགོས་ནས་ཀྱང་།། གཅིག་གི་སྦྱིན་སྲེགས་ལས་མཆོག་བྱ།། གཅིག་ལ་རྣམ
406b2 འབྱོར་ལོངས་སྤྱོད་གཏེར།། གཅིག་ནི་མཁའ་འགྲོའོ་འཁོར་ཚོགས་བསྐྱང་།། གནས་སུ་བཀྲ་ཤིས་ལ་སོགས་ཀྱིས།། སྒྲུབ་པ་རྫོགས་པས་མཐར་དབྱུང་ངོ་།། དུར་ཁྲོད་གསང་མཆོག་དབྱིངས་ཉིད་ལ།། དཀྱིལ་འཁོར
406b3 དགུ་བརྩེགས་དཔལ་གྱི་རྒྱ།། ཡེ་ཤེས་དགུ་ཡི་ཁོང་གསེང་གསལ།། མེ་རི་འོད་ཀྱི་ཐིག་ཐག་གཅད།། འཁོར་ལོ་ཚོགས་ཆེན་གྲུབ་པའི་ས།། རྣལ་འབྱོར་རྩལ་མཆོག་ཅན་གྱི་གནས།། སྒྲུབ་པ་རྩ་ཡི་དཀྱིལ་འཁོར
406b4 དེ།། དུར་ཁྲོད་གསང་བ་མཆོག་གི་མདོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་ཚོགས་ཆེན་འདུས་པའི་བསྒྲུབ་ལུགས་ཀྱི་ལེའུ་སྟེ་བཅུ་གཉིས་པའོ།། །། དེ་ནས་སེམས་དཔའི
406b5 རྡོ་རྗེ་དམ་པ་དེས་འདི་སྐད་ཅེ་བཀའ་སྩལ་ཏོ།། འདུས་པ་ཆེན་པོའི་ཚོགས་རིག་འཛིན་ཐམས་ཅད་ངེས་པར་འགྲུབ་པར་འདོད་ན་འདི་ལྟར་རིག་པར་བྱའོ།། དེ་བཞིན་ཐམས་ཅད་ཀུན་རྫོགས་ནས།། རིགས་ཀྱི་ཁྱད
406b6 པར་འདི་དག་དབྱེ།། སོ་སོའི་རིགས་སུ་བསྒྲུབ་པར་བྱ།། རྡོ་རྗེ་ཅན་ལ་དཔལ་བེའུ་ནི།། དཀྱིལ་འཁོར་རྡོ་རྗེ་འབར་བའོ།། དེ་བཞིན་རིན་ཆེན་རིན་ཆེན་ཏེ།། པདྨ་དམར་པོ་འོད་ཀྱི་དཀྱིལ།། ལས་ནི་ཀུན་ཏུ་རྒྱ་གྲམ
iiif viewer powered by OpenSeadragon
