| e-texts navigator |
| Wylie |
404b1 གསང་བའི་ལས་འདི་དྲོངས།། རྡོ་རྗེ་གསང་བའི་ལས་འདི་གྱིས།། ཨོཾ་ཙནྡ་དྷ་ར་ཧྲཱི་ཞེས་པའི།། གསང་བའི་ཐབས་ཀྱི་སྦྱོར་བ་ཡིས།། རྫས་མཆོག་འབར་བའི་ཐིག་ལེ་ཡིས།། གནས་ལྔ་དག་གི་གཞལ་ཡས་སུ།། གསང
404b2 བ་ཐབས་ཀྱི་ཐིག་ལེ་བྱ།། སྲད་བུའི་སྦྱོར་བ་དེ་རྫོགས་ནས།། གོལ་སྒྲིབ་རྟག་ཆད་སྐྱོན་བྲལ་བའི།། ཆེ་ཆུང་ཡ་ཡོ་མེད་པ་ཡི།། རྡོ་རྗེ་དབུ་མའི་ཐིག་འདི་དགྱེ།། ཆོས་ཀྱི་དབྱིངས་ཀྱི་གཞལ་ཡས་སུ།། མི་དམིགས་བད་ལ
404b3 བཔབའི་མཎྜལ་ལ།། ཡེ་ཤེས་ལྔ་ཡི་ཐིག་འཕྲོས་པས།། བདེ་ཆེན་རྣམ་ཐར་ཕྱག་རྒྱའི་ཚོགས།། ཀུན་གཞི་ནམ་མཁའི་གཞལ་ཡས་སུ།། ཉོན་མོངས་རྟོགས་པའི་མཎྜལ་ལ།། ཏིང་འཛིན་འོད་ཟེར་ཐིག་འཕྲོས་པས། ཕྱག་རྒྱ
404b4 རྡོ་རྗེ་འབར་བའི་ཚོགས།། མཁའ་དབྱིངས་གསང་བའི་གཞལ་ཡས་སུ།། ཟླ་གམ་པདྨའི་མཎྜལ་ལས།། བྱང་ཆུབ་སེམས་ཀྱི་ཐིག་འཕྲོས་པས།། ཡེ་ཤེས་སེམས་དཔའ་གསལ་བའི་ཚོགས།། བཀྲ་ཤིས་དབེན་པའི
404b5 གཞལ་ཡས་སུ།། མཚན་མ་རྟེན་གྱི་མཎྜལ་ལ།། རྡོ་རྗེ་སྲད་བུའི་ཐིག་འཕྲོས་པས། ཆོ་འཕྲུལ་གཟུགས་བརྟན་ཕྱག་རྒྱ་འབར།། སྟོང་གསུམ་གསང་བའི་དཀྱིལ་འཁོར་དུ།། རྨད་བྱུང་རྡོ་རྗེའི་ཐིག་འགྱེད་ན།། གསང་བའི
404b6 དམ་ལ་གནས་པ་ཡི།། འབྱུང་པོ་སྐྱེ་བོ་གདོལ་པ་ཅན།། རྡོ་རྗེ་རྩལ་གྱི་ཧཱུཾ་རིང་ལས།། རྡོ་རྗེ་མཚོན་ཆའི་བུ་ཡུག་འཚུབ།། ཕྱོགས་མཚམས་བླ་འོག་ཁྲོ་བོས་གཏམས།། འབར་བ་གསང་བའི་མཚམས་བཟུང་སྟེ།། ཕྱི་རོལ
iiif viewer powered by OpenSeadragon
