| e-texts navigator |
| Wylie |
404a1 ཡང་མཛེས་པའི་སྟབས་ཚུལ་ལྡན།། སྐྱེས་བུ་བླ་མས་ཡུམ་དུ་གཟུང་།། གཟུངས་མར་བྱིན་གྱིས་བརླབ་པ་ནི།། ཡུམ་གྱི་ཕུང་པོ་གནས་ལྔར་ནི།། བདེ་བར་གཤེགས་པའི་ས་བོན་ལྔ།། འཕྲོ་འདུ་གསལ
404a2 བར་གྱུར་པ་དང་།། སངས་རྒྱས་བྱིན་བརླབས་དབང་བསྐུར་ནས། བདེ་གཤེགས་ཡུམ་ལྔའི་སྐུ་མཆོག་གསལ།། རྡོ་རྗེ་ཡབ་ལའང་དེ་བཞིན་ཏེ།། དེ་ལྟར་གསལ་བར་ཡུར་པ་དང་།། ཡུམ་གྱི་མཁའ་ལ་མེ་རི
404a3 སྒོམ།། གསང་བ་དབུགས་ཀྱི་ཟླ་གམ་ལ།། བྱང་ཆུབ་སེམས་ཀྱི་འཕྲོ་འདུ་བྱ།། གཟུགས་བརྙན་ཇི་ལྟར་གསལ་བ་བཞིན།། ཡུམ་གྱི་མཁའ་ལ་དེ་བཞིན་ནོ།། དེ་ནས་རྡོ་རྗེ་ཚིག་འདི་ཡིས།། ལུས་ཀྱི་ཡུམ་ལ་ངེས་པར
404a4 བསྒོ།། ཤེས་རབ་ལྷ་མོ་གསང་བའི་ཡུམ།། འདོད་དགུར་སྦྱར་བའི་འཕྲུལ་མོ་ཆེ།། ཆགས་པའི་ཚུལ་གྱིས་ཐབས་ལ་འདུད།། གཡོན་དུ་འཁྲིལ་ཅིག་གཡས་སུ་འཁྱུད།། འཛུམ་པའི་མདངས་ཀྱིས་ཟླ་གམ་སྦྱོར།། གསང
404a5 བའི་བྱང་ཆུབ་སེམས་འདྲེན་པ།། ཁྱོད་ནི་ལྷ་མོ་རྒྱལ་བའི་སྲས།། རང་བཞིན་ཆོས་ཀྱི་མཚན་ལྡན་མ།། རྡོ་རྗེ་ལས་ཀྱི་ཡུམ་ཡིན་གྱིས།། གསང་བའི་ལས་རྣམས་ཀུན་བྱོས་ཤིག། ལག་པ་འཁོར་ལོའི་གཞན་ཡས་སུ།། ཉི
404a6 ཟླ་འབར་བའི་ཚོགས་བཀོད་དེ།། གསང་བའི་བྱང་ཆུབ་དཀར་དམར་འདི།། ཐིག་ལེ་ཡི་གེའི་ངོ་བོར་གདབ།། ལས་ཀྱི་རྡོ་རྗེ་འབར་བ་ཡི།། རྡོ་རྗེ་གར་གྱི་ཕྱག་རྒྱ་ཡིས།། བྱང་ཆུབ་སེམས་ཀྱི་ཐིག་འདི་དྲོངས།། རྡོ་རྗེ
iiif viewer powered by OpenSeadragon
