| e-texts navigator |
| Wylie |
403a1 སྟེར།། ཤིང་ཤུན་རས་སམ་དུར་ཁྲོད་ཀྱི།། ཞིང་ཆེར་རས་ལ་ཁ་དོག་ལྔས།། ཕྱག་རྒྱ་འབར་བའི་གཟུགས་བྲིས་ན།། དེ་ཡང་མཚན་མ་འབྱུང་བའི་རྟེན།། རྡོ་དང་ཤེལ་རྡོ་ལ་སོགས་པ།། དུང་ངམ་པ་སོའི
403a2 རྒྱུ་ལས་ནི།། མཁས་པས་འབུར་དུ་བཏོད་བྱས་ནས།། མཚན་མ་འབྱུང་བའི་རྟེན་དུ་འགྱུར།། གསེར་དངུལ་རིན་ཆེན་ལ་སོགས་པ།། ཟངས་ལྕགས་ཁར་བའི་རྒྱུ་དག་ལས།། མཁན་གྱིས་བླུགས་ཏེ་མ་ཉམས་ན།། དེ
403a3 ཡང་མཚན་མའི་རྟེན་དུ་འགྱུར།། པླཀྵ་བྱང་ཆུབ་ཤིང་ལ་སོགས།། རྒྱུད་ཤིང་ཡལ་ག་མཉེན་པ་ལས།། ཕྱག་རྒྱའི་གཟུགས་དེ་ལེགས་སྦྱར་ན།། དེ་ཡང་རྟེན་དུ་མཁས་པས་བཤད།། མཉེན་ཅིང་སྦྱིན་པའི་མཆོག་རྣམས
403a4 ལ།། བཞིན་དང་འདྲིལ་ཁུགས་ལེགས་སྦྱར་ཏེ།། ཕྱག་རྒྱ་ཆེན་པོའི་གཟུགས་བྱས་ན།། དེ་ཡང་རྟེན་པའི་འོས་སུ་འགྱུར།། དེ་ལ་སོགས་པའི་རྒྱུ་རྣམས་ལ།། ཡི་གེ་འམ་ཡང་ན་མཚན་རྟགས་སམ།། མིང་ངམ་ཐིག་ལེར
403a5 རྫས་ལ་བྲི།། བསྒྲུབས་ན་མཚན་མའི་རྟེན་དུ་འགྱུར།། དེ་ལ་རེ་ཞིག་འདིར་བཤད་པ།། སྟེགས་བུ་ལ་བརྟེན་མཚན་མ་དག། བསྒྲུབ་པའི་དོན་དུ་བརྟག་གཟུང་བ།། བརྩམ་པའི་ཐབས་ནི་འདི་ལྟ་སྟེ།། གོང་དུ་སྨོས་པའི
403a6 རྒྱུ་རྣམས་ལ།། སྟེགས་བུ་མཛེས་ཤིང་མཉམ་བྱས་ཏེ། ཀུན་དུ་གྲུབ་བཞི་ཆ་མཉམ་ལ།། བདུད་རྩི་ལྔ་ཡི་སྦྱོར་བ་ཡིས།། མེ་ལོང་ལྟ་བུར་སྙིང་པོར་བྱ།། སྣང་བྱུང་ཡང་དག་བྱིན་བརླབས་ཅན།། ཡེ་ཤེས་རང་བྱུང་གྲུབ
iiif viewer powered by OpenSeadragon
