| e-texts navigator |
| Wylie |
402b1 འདི་ཡིས་བསྐོ་བར་བྱ།། གསང་ཆེན་ལྷུན་གྲུབ་ཕོ་བྲང་ནས། ལས་ཀྱི་གཤིན་རྗེའི་ཕོ་བྲང་ནས།། བཅོམ་ལྡན་ཆོས་རྗེས་བཀའ་སྩལ་པ། དེ་བཞིན་རིག་འཛིན་སྒྲུབ་པ་པོས།། བཀའ་གསང་གཞུང་ཆེན་འདི་སྒྲུབ
402b2 ཅིང་།། ཡང་དག་དོན་ལ་ངེས་འཇུག་ན། འདི་དག་ནོར་བུ་རིན་ཆེན་ཏེ།། འདི་ལ་རྟོད་ཅིང་བར་གཅོད་པ།། ལྷ་སྲིན་སྡེ་བརྒྱད་འབྱུང་པོ་ཀུན། ཁྱོད་ཀྱི་འཁོར་དང་གཡོག་ཡིན་གྱི།། རྣམ་པར་སྨིན་པའི་ཆོས་ཤོད
402b3 ལ།། གསང་བ་མཆོག་གི་རྣལ་འབྱོར་པས།། བླ་མེད་འབྲས་བུར་མ་གྱུར་ཚེར།། ས་འདི་ཡན་ཆད་མ་གཏང་བར།། དཔལ་ཆེན་མི་ཕམ་བཀའ་མ་འདའ།། བདག་ཅག་ཡེ་ནས་གཉིས་མེད་དེ།། དེ་ཙམ་དོན་གྱི་དབྱིངས
402b4 སུ་གཅིག། ཕྱི་རོལ་སྐྱོང་བའི་མུ་རན་ལ།། རྡོ་རྗེ་ཡལ་དམ་ཐུབ་པར་མཛོད།། བཛྲ་ཡ་མ་རཱ་ཛ་ས་མ་ཡ་སྟྭཾ།། ཞེས་པས་གཤིན་རྗེ་མནས་བསྒྲགས་ཏེ།། གལ་ཏེ་འདས་ན་ཁོ་བདག་འཚིག། བརྩམ་པ་བྱ་བའི་ལས་ཆེན
402b5 པོ།། དངོས་གྲུབ་འབྱུང་བར་བྱེད་པའི་རྟེན།། ཕྱག་རྒྱ་ཆེ་དང་གཟུགས་མཆོག་གི། སྟེགས་བུ་ལེགས་པར་སྦྱངས་ན་འགྲུབ།། མཚོན་པས་ཁྲིད་པར་བྱེད་པ་ཡི།། རྡུལ་ཚོན་འདུས་བྱས་རྒྱུ་རྣམས་ལ།། བརྙན་མའི་དཀྱིལ
402b6 འཁོར་བཤད་བགྱི་བ།། སོ་སོར་བརྟགས་ཏེ་བཤད་བགྱི་བ།། བརྟན་ཞིང་ངོས་འཇམ་ཁང་བུ་ལ།། འབུར་ཁུང་ཁོད་སྙོམས་འཕང་མཐོ་བའི། ཁ་དོག་ལྔ་ཡི་གཟུགས་བྱས་ནས།། དེས་ནི་མཚན་མའི་དངོས་གྲུབ
iiif viewer powered by OpenSeadragon
