| e-texts navigator |
| Wylie |
402a1 འཛིན།། རང་གཉེར་ལས་སྐལ་འབྲས་བུར་སྐྱེད།། ལྷ་མོ་སྲ་བརྟན་དབང་སྒྱུར་མ།། ཁུ་བ་བཅུད་ལས་བདུད་རྩིར་འགྱུར།། བདུད་རྩི་ཞུན་ཆེན་དངོས་གྲུབ་འཛིན།། རང་གཉེར་ལས་སྐལ་བརྟན
402a2 པར་བྱེད།། རྡོ་རྗེ་ལྷ་མོ་ཤེལ་མདོག་མ།། ཉི་ཟེར་བདུད་རྩིར་སྦྱར་བྱེད་མ།། གསལ་བ་མདངས་ཀྱི་དངོས་གྲུབ་འཛིན།། རང་གཉེར་ལས་སྐལ་གཟི་བྱིན་སྐྱེད།། ལྷ་མོ་ཁྲོ་གཉེར་སྔོ་བསངས་མ།། དུར་ཁྲོད་རྫས་ལས
402a3 བདུད་རྩིར་སྦྱར།། ཤ་ཆེན་སྣ་ཚོགས་དངོས་གྲུབ་འཛིན།། རང་གཉེར་ལས་སྐལ་བྱིན་འབེབས་མ།། རྩི་ཡི་ལྷ་མོ་བློ་གྲོས་མ།། རྩི་ཐོག་བདུད་རྩིར་སྦྱར་བྱེད་མ།། རྩི་མཆོག་ཀུན་གྱི་དངོས་གྲུབ་འཛིན།། རང་གཉེར
402a4 ལས་སྐལ་ཚིམ་བྱེད་མ།། སྨན་གྱི་ལྷ་མོ་ནོར་གྱི་རྒྱུན།། དུག་རྣམས་བདུད་རྩིར་སྒྱུར་བྱེད་མ།། བདུད་རྩི་སྨན་གྱི་དངོས་གྲུབ་འཛིན།། རང་གཉེར་ལས་སྐལ་འདི་ཀུན་ཡང་།། རྡོ་རྗེ་གླུ་ཡི་བརྟེན་ནས་ནི།། རྣལ་འབྱོར
402a5 ཆེན་པོའི་ཡོ་བྱད་དུ།། རོལ་མོས་དགའ་སྟོན་ལོངས་སྤྱོད་བྱ།། དེ་ནས་ལས་ཀྱི་གནས་སྐབས་འདིར།། ཕྱི་ནང་མཐུན་འཇུག་བཀའ་སྡོད་པའི།། གཤིན་རྗེ་ཆོས་ཀྱི་ཕྱག་རྒྱ་ཡིས།། བྲན་གྱི་བྱ་བར་དབང་བསྡུས་ནས།། ཕྱི
402a6 མཚམས་བསྲུང་བར་དབང་བསྐུར་ཏེ།། འབུར་རམ་ལུགས་སམ་རི་མོའམ།། ཅི་འདྲ་བར་ནི་བྱས་ནས་ཀྱང་།། ཕྱི་ཁྱམས་སྒོ་ཡི་ཕྱི་རོལ་དུ།། མ་ཧེ་ཁྲི་ལ་བཞག་ནས་ནི།། མཐུན་པའི་རྫས་ཀྱིས་མགུ་བྱས་ལ།། དེ་ཚེ
iiif viewer powered by OpenSeadragon
