| e-texts navigator |
| Wylie |
400a1 ཁྱབ་འཇུག་ལྤགས་བཤུས་ནས།། ཞིང་ཆེན་གཡང་གཞིའི་ན་བཟའ་བསྣམས།། གཤིན་རྗེ་མ་ཏྲཾ་འབར་བ་ཡི།། རོ་དབྱུག་ཆེན་པོ་ཕྱག་ན་འཕྱར།། ཕྲ་མེན་དགུ་ཁྲི་མང་པོ་དག། འབར་བའི་ཚོགས་ནི
400a2 གཏིབས་ཐམས་བཅད།། གང་ལ་ཅིས་འདུལ་དེར་སྟོན་པ།། ཙིཏྟ་འབར་བའི་མེ་ཕྲེང་གིས།། དོ་ཤལ་མགུར་ཆུ་ཕྲེང་བས་སྦྲེངས།། བསྐལ་པའི་མེ་དཔུང་འབར་བའི་ཀློང་།། སྲིད་པའི་རྩེ་མོར་འཁྱིལ་ཅིང་འཕྲོ།། ནམ
400a3 མཁའི་ཁམས་ཀུན་མེ་དཔུང་གཏིབས།། རྡོ་རྗེ་འཁོར་ལོ་མེ་ལྕེ་འཕྲོ།། དུར་ཁྲོད་དགོན་པའི་ས་ཕྱོགས་དག། མེ་ཡི་རི་བོ་འབར་བ་ལ།། མེ་ཡི་ཡི་དགས་མ་དག་ལས།། གང་ཡང་གནས་པར་མི་ཕོད་པ།། སྟེང་གི་མེ་ལྕེ
400a4 འབར་བ་ནི།། འོག་གི་ཕྱོགས་སུ་འཕྲོ་ཞིང་འཕྲུལ།། འོག་མི་མེ་ལྕེ་འབར་བ་ཡང་།། གྱེལ་དུ་འཁྱིལ་ཞིང་སྟེང་དུ་ཐལ།། མེ་ལྕེ་དགུ་ཕྲེང་འབར་བ་དག། འུར་ཆེམ་འཆད་པས་འཐབ་ཅིང་འཁྲུག། དུར་ཁྲོད་མེ་ནི་སྨུག
400a5 ཅིང་འབར།། ཞེས་སྡང་འཇོམས་པས་མཐིང་ནག་འཚུབ།། ང་རྒྱལ་སྲེག་པས་སེང་ནག་འཕྲོ།། འདོད་ཆགས་མཉམ་པས་དམག་ནག་འཕྲོ།། ཕྲག་དོག་སྲེག་པས་ལྡང་ནག་འཁྱིལ།། གཏི་མུག་སེལ་ནས་སྤུག་ནག
400a6 འཁྱིལ།། འབར་ཆེན་ཀློང་གི་འཁོར་ལོས་གཏམས།། ཛ་ལ་མཎྜ་ལ་ཧ་ལ་ཧ་ལ་རཾ།། མེའི་རི་ལག་ཆུའི་ཕྱག་རྒྱ་ཡིས།། གནས་སམ་དཀྱིལ་འཁོར་བསྐོར་བར་བྱ།། ཆོས་ཉིད་བདལ་བའི་ནམ་མཁའ་ལ།། ཡེ་ཤེས་ལྔ་ཡི
iiif viewer powered by OpenSeadragon
