| e-texts navigator |
| Wylie |
3a1 དབང་པོ་ཚིག་ཆོད་དམ།། སྦྱངས་པའི་འཕྲོ་ཅན་གང་ཡང་རུང་།། སེམས་ཀྱི་རྣམ་གྲངས་གང་སྒོ་ནས།། སྤྱི་བླུགས་དབང་ལ་གནས་བྱས་ཏེ།། རྣ་བརྒྱད་གདམས་ངག་ནོད་པར་བྱ།། བགྲོད་མེད་ལམ་ལ
3a2 གནས་བྱས་ལ།། སྦྱང་མེད་པ་ཡི་ཡོན་ཏན་སྤེལ།། རིམ་མེད་ཅིག་ཅར་འཇུག་པ་ཡི།། རང་བྱུང་ཡེ་ཤེས་བླ་མ་ཡིས།། རབ་ཏུ་ཆེ་མཆོག་ཆོས་ཀྱི་སྐུ།། བཙལ་མེད་རྟག་པ་མངོན་སངས་རྒྱས།། འགྲོ་བ་རིག་པ་གང་དག
3a3 འོང་།། བསམ་བྲལ་ཉིད་དུ་འདུག་པར་བྱ།། ཤེས་པ་རང་ལུགས་ཐལ་བྱུང་བ།། དུས་གསུམ་མི་གཡོ་གནས་གྱུར་ན།། རྒྱལ་བའི་ཡེ་ཤེས་གསལ་མཐར་ཕྱིན།། ཞེས་གསུངས་སོ།། བྱང་ཆུབ་ཀྱི་སེམས་རིན་ཆེན་འཁོར
3a4 ལོ་ལས། གླེང་གཞིའི་ལེའུ་སྟེ་དང་པོའོ།། །། དེ་ནས་རིག་པའི་རྒྱལ་པོས་སེམས་དཔའ་རྡོ་རྗེ་ལ་འདི་སྐད་ཅེས་བཀའ་སྩལ་ཏོ།། སྣ་ཚོགས་འཁོར་བའི་རྟོག་པ་དང་།། རྫོགས་པའི་ཡེ་ཤེས་རང་བཞིན
3a5 གཅིག། རྫོགས་པའི་ཡེ་ཤེས་རྟོགས་པ་ཉིད།། རྟོགས་པ་གང་ཡིན་ཡེ་ཤེས་ཉིད།། ཐ་དད་ཡོད་པ་མ་ཡིན་ཏེ།། ཡེ་ཤེས་རྫོགས་པའི་རང་བཞིན་ནི།། ཀུན་སྤངས་ཀུན་གྱི་དངོས་གཞི་ཅན།། འཛིན་པ་དུ་མའི་རྟོག་པ
3a6 འདི།། བྱང་ཆུབ་སེམས་སུ་བརྗོད་པ་ཡིན།། བརྗོད་མེད་སེམས་ཀྱི་རང་བཞིན་ལ།། མ་བརྗོད་གོ་བར་མི་འགྱུར་བས།། བརྗོད་མེད་དོན་གྱིས་མཚོན་པར་བྱ།། ཀུན་བཟང་སེམས་ཀྱི་རྣམ་དག་ལ།། མཚོན་བྱ་མཚོན
iiif viewer powered by OpenSeadragon
