| e-texts navigator |
| Wylie |
39b1 མེད་སེམས།། སེམས་ཀྱི་མཐའ་ལ་སེམས་མི་གནས།། ཞེས་གསུངས་སོ།། རིན་པོ་ཆེ་འཁོར་ལོ་བརྩེགས་པའི་རྒྱུད་ལས། རང་བཞིན་གྱི་ལེའུ་སྟེ་གསུམ་པའོ།། །། ཉིད་ཀྱི་རང་བཞིན་གྱིས་ཁྱད་པར་ཆེན་པོ
39b2 གསུངས་པ། ཨེ་མ་ཧོ་ངོ་བོ་བདེ་བ་ཆེན་པོ་སྣང་དང་མི་སྣང་ཆོས་རྣམས་ཐམས་ཅད་རང་གསལ་ཉིད་དུ་མངོན་བྱུང་བས། འཁྲུལ་རྟོག་གི་གཏིང་ཕྱིན་ཏེ་ཀུན་བརྟགས་ཀྱི་འཁྲུལ་པ་ཡེ་ནས་མེད་དོ།། དེ་ཕྱིར་མ་ནོར་བའི
39b3 ཆོས་ཉིད་ནི། རང་གསལ་གང་ལ་ཡང་མ་ལྟོས་པ་ཉིད་ཡིན་ནོ།། དེ་ཉིད་ཐམས་ཅད་དུ་རང་སྤྲུལ་པས་སྤྲུལ་པའི་སྐུ་ཞེས་ཀྱང་བྱ་ལ། རང་ལ་རང་སྣང་དག་པར་ལོངས་སྤྱོད་པས་ལོངས་སྤྱོད་རྫོགས་པའི་སྐུའོ།། དེའི
39b4 དུས་སུ་སྣང་གཞི་གང་དུ་ཡང་འགོག་པ་མེད་པས་མི་གཡོ་བ་ཆོས་ཀྱི་སྐུའོ།། འགྱུར་མེད་ཀྱི་ཤེས་པ་ལ་སྙིང་པོ་མེད་པ་ནི། རྟོག་མཐའ་དང་བྲལ་བ་སྟེ་རང་བྱུང་གི་ཡེ་ཤེས་སོ།། རྣམ་པར་ཤེས་པ་རླུང་ལ་རྒྱུ་བའི་དུས་ན
39b5 རླུང་འཕོ་བ་མེད་པ་ནི། རྒྱུན་མི་འཆད་པའི་བསམ་གཏན་ནོ།། འབྱུང་བ་མེད་པའི་སྔོན་རོལ་དུ་རང་བྱུང་གི་གདངས་ཤར་བ་ནི། གསང་བ་འགག་མེད་ཀྱི་ནམ་མཁའ་ལ། ཁོ་ན་རིག་པ་མ་འགགས་པར་ཤར
39b6 བའོ།། ཆགས་སྡང་གང་ལ་ཡང་མ་ཆགས་པའི་དུས་ཉིད་ན་དུག་ལྔ་ཡེ་ཤེས་ཀྱི་ལམ་དུ་བྱུང་བ་ནི། ད་ལྟ་ཉིད་དུ་ཆགས་སྡང་རྒྱུད་ལ་རང་ཆས་སུ་སྣང་བ་ཡིན་ནོ།། འཁོར་འདས་གང་དུ་ཡང་མི་སྣང་བའི་དུས་ཉིད་ན
iiif viewer powered by OpenSeadragon
