| e-texts navigator |
| Wylie |
399b1 བྱ།། དེ་ནས་རྡོ་རྗེ་ནང་དག་ཏུ།། སེང་གེའི་ལྟ་བས་བལྟས་ནས་ནི། རྡོ་རྗེ་གོམ་པས་ཕྱོགས་ནས་ནི།། ཁྲོ་མིག་འབར་བས་ཕྱིར་བལྟས་ཏེ།། འགྱིང་བག་ཚུལ་དུ་བརྗིད་པ་ཡིས།། འབར་བའི་རྡོ་རྗེ་སྦར་ནས་ནི།། ཕྱི་ནང
399b2 རྡུལ་ཆེན་བསལ་བར་བྱ།། ཧཱུཾ་སྟོང་གསུམ་སྟོང་གི་འཇིག་རྟེན་ན།། སྐྱེ་འགྲོ་རྩི་ཤིང་ནགས་ཚལ་དང་།། ཡོད་མཐོང་སྣང་གྲགས་ཇི་སྙེད་པ།། ཀུན་ཀྱང་འབར་བ་ཁྲག་འཐུང་སྟེ།། རྔམ་ཆེན་གཏུམ་ཐུང་ཤེས་དག
399b3 འབར།། དུར་ཁྲོད་དཀྱིལ་འཁོར་ལྷུན་གྱིས་གྲུབ།། རཀྵ་རཀྵ་ཧེ་རུ་ཀ། རཀྟ་ཀྲོ་དྷི་ཛ་ལ་བ། ཧ་ལ་ཧ་ལ་ཏིཥྛ་ཕཊ། ཞེས་པས་ཁྲོ་བོ་རོལ་པ་ཡི།། སྟབས་དང་མ་མོའི་རྔམ་ཚུལ་དང་། ཕྲ་མེན་ལྷགས་པའི་རྔམ་སྟབས
399b4 ཀྱིས།། འབར་བའི་དཀྱིལ་འཁོར་བསྐོར་བར་བྱ།། རྡོ་རྗེ་དཀྲིགས་པའི་ཕྲེང་བ་དང་།། ཐོ་བ་ལྕགས་ཀྱུ་འབར་བ་དང་།། འཁོར་ལོ་རལ་གྲི་ལ་སོགས་རྫས།། ཀུན་གྱི་ཕྱག་རྒྱ་མཚན་མས་བསྐོར།། དེ་ལས་འབར་བའི
399b5 ཕྱག་རྒྱ་དང་།། མིག་ལས་འབར་བའི་མེ་མཆེད་པས།། མེ་འོད་འབར་བའི་ཕྲེང་བ་འདིས།། དམིགས་སམ་དངོས་སུ་སྦྱར་ནས་ཀྱང་།། འབར་བ་དྲག་པོའི་ཡི་གེ་ལས།། སྲེག་པའི་དཔལ་ཆེན་གུར་དུ་གཏམས།། ཧཱུཾ་ར
399b6 རྡོ་རྗེ་མེ་ཡི་རི།། ལྷུན་པོ་འབར་བའི་རྩ་བརྒྱད་ལ། འབར་བའི་ལྷ་བརྒྱད་བསྒྱེལ་ནས་ཀྱང་།། དབང་ཆེན་རྡོ་རྗེ་བཀའ་སྡོད་གནས།། ཤིན་ཏུ་མི་བཟད་འབར་བ་ཡིས།། གཏུམ་ཆེན་ཧ་ལ་རྔམ་པའི་གཟུགས།། ལྷ་ཆེན
iiif viewer powered by OpenSeadragon
