| e-texts navigator |
| Wylie |
398b1 སྔགས་ལྡན་པས།། མཚན་མའི་དངོས་པོ་ཀུན་སྦྱངས་ཏེ།། རྒྱལ་བ་བཞུགས་པའི་རྟེན་དུ་བྱ།། རྡོ་རྗེ་བྱིན་བརླབས་འབྱུང་གནས་དང་།། གནས་རྣམས་ཤིན་ཏུ་བརྟན་བྱའི་ཕྱིར།། མཆོག་གི་སྤྲོ་བ་དག་པ་ཡིས།། ས་གཞི
398b2 གཟུང་ཞིང་བྱིན་གྱིས་བརླབས།། དེ་དང་དེར་ནི་ས་སྦྱངས་ཏེ།། ཐིག་གིས་ཡུལ་བཅད་སྐབས་དག་ཏུ།། རྒྱལ་བ་བཞུགས་པའི་ཕོ་བྲང་དེར།། རྡོ་རྗེ་དྲག་པོའི་གིང་ཆེན་གྱིས།། ལྕེ་པོག་ནག་པོའི་དུད་པས་བདུག། རྒྱུན
398b3 མི་འཆད་དུ་བྱས་ནས་ནི།། ཁྲ་བོ་དྲག་པོའི་སྔགས་ཟློས་ཤིང་།། རྡོ་རྗེ་ཁྲོ་བའི་སྟབས་ཀྱིས་བསྐོར།། ཤེས་རབ་ཡུམ་གྱི་འཇོ་ཚུལ་གྱི། རྣམ་གཉིས་རྫས་ཀྱི་འདི་གུ་དག། སྲིན་བལ་ཡེའུ་སྦྱར་བ་ཡིས།། ཀུན་དུ་ཟླ
398b4 བའི་ཐིག་ལེ་བྱ།། རྡོ་རྗེ་རྒྱལ་པོ་འཕགས་རྣམས་ཀྱིས།། སོ་སོའི་སྔགས་དང་རྩ་བའི་རྒྱ། སོ་སོའི་སྟང་སྟབས་སྦྱར་ནས་ཀྱང་།། དེ་དག་གནས་སུ་བྱིན་གྱིས་རླབ།། གསང་བའི་དོན་ལ་ཞུགས་པའི་ཕྱིར།། གསང་བའི
398b5 ལས་ཀྱི་སྔོན་ལོགས་སུ།། བསྟན་པའི་སྐྱོང་བའི་མགོན་པོ་ལ།། སྦྱིན་མཆོད་བསྲུང་བའི་ལས་ཆེན་བཅོལ།། གཞལ་ཡས་གནས་ཀྱི་ཕྱི་རོལ་དུ།། མགོན་པོ་གནས་པའི་རྟེན་གཞི་དག། རིན་ཆེན་འབྲས་སམ་འབྱུང
398b6 ཁུངས་སམ།། ཤིང་ངམ་པ་སོ་དེ་དག་ལས། ལུགས་སམ་ཕྱག་རྒྱའི་གཟུགས་བྱས་ཏེ།། མགོན་པོ་བཞི་དུ་མངལ་གསོལ་ཏེ།། གནས་ཀྱི་སྒོ་སྤོང་སོ་བར་བྱ།། རི་རབ་གླིང་བཞིའི་ཕྱོགས་ཕྱོགས་ནས།། རྡོ་རྗེ་གསང
iiif viewer powered by OpenSeadragon
