| e-texts navigator |
| Wylie |
396b1 སྦྱར་བའོ།། བསྒྲུབ་པ་ཆེན་པོའི་རྫས་མཆོག་དག། གལ་ཏེ་དུས་ལ་བབ་གྱུར་ན།། དུས་འདི་དངོས་གྲུབ་དུས་ཆེན་ཏེ།། དུས་འདི་མཁས་པས་ཡོང་མི་བཅག། རྣལ་འབྱོར་ལས་ཀྱི་དང་པོ་རྣམས།། ཅི་སྟེ་འདོད་པའི
396b2 མཚན་མ་དང་།། ཡིད་འོང་འབྱུང་ཞིང་རྟགས་རྙེད་པ།། དམ་ཚིག་གཟུངས་འདུ་དུས་ཆེན་ཡིན།། སྦྱངས་པས་རྩལ་གྱི་མཐར་ཕྱིན་ཅིང་།། ཞེས་བློའི་ཡོན་ཏན་ཚོགས་རྒྱས་པ།། འདི་དག་ཚད་ལ་བབ་པ་སྟེ།། དུས་ཀྱི
396b3 མཆོག་འདི་ཉེ་བར་བརྟག། འདི་ལྟར་རྒྱུ་བཞི་འབྱོར་པ་ལས།། འབྲས་བུའི་དངོས་པོར་གྲུབ་པ་སྟེ།། གྲུ་དང་མཉན་པ་མཁས་པ་ལ། བསྟེན་པས་རིན་ཆེན་ལོན་པ་འདྲ།། ཇི་སྲིད་གནས་པའི་རྒྱ་མཚོ་རྣམས།། རང
396b4 བཞིན་མེད་པར་ཀུན་གཅིག་པའི།། བདག་མེད་ཕྱོགས་བྲལ་ལྷུན་གྱིས་གྲུབ།། གཅིག་ལས་རྣམ་གྲངས་ངང་གིས་མེད།། ཐ་སྙད་དག་པར་ཡོངས་ཆུད་ན།། ངེས་པའི་དོན་ཆེན་དེ་ཉིད་དེ།། ཐམས་ཅད་དག་པར་འགྱུར།
396b5 བའོ།། བདག་དང་གཞན་དུ་མི་གཉིས་པས།། བདག་ཉིད་བདག་གི་རང་བཞིན་ཏེ།། སངས་རྒྱས་ཞེས་བྱ་གཞན་ན་མེད།། བདག་ཉིད་ལྷུན་གྲུབ་དབང་ཕྱུག་ཆེ།། གར་དོད་པ་ཡི་དངོས་པོ་ལ།། ཇི་ལྟ་བ་བཞིན་གྲུབ
396b6 འགྱུར་ཏེ།། རྫ་མཁན་འཕང་ལོ་སྲུབ་པ་ལྟར།། གང་ལྟར་དམིགས་པ་དེ་ལྟར་འགྱུར།། འགྲོ་བའི་ཁམས་སུ་གཟི་ཆེ་ཞིང་།། འབྱུང་ཆེན་ལྔ་ལ་དབང་བསྐུར་བའི།། ངོ་མཚར་རྩལ་གྱི་ཁྱད་པར་དག། གདོན་མི་ཟ་བར
iiif viewer powered by OpenSeadragon
