| e-texts navigator |
| Wylie |
394b1 ལ།། བདུན་པ་ཉི་ཟླ་གའུར་འབར།། ཚེ་ཡི་ངོ་བོ་རྒྱུད་གསུམ་པོ།། སྲོག་གི་ངོ་བོར་གཞལ་ཡས་ཁང་།། ལེ་བརྒན་འབར་བའི་དཀྱིལ་འཁོར་དུ།། ཨ་ཡུ་དམར་པོ་འོད་འཕྲོ་བ།། འཆི་བ་མེད་པའི་སྲོག་བཙུགས
394b2 ཏེ།། འགྱུར་བ་མེད་པའི་གཡུང་དྲུང་ཡིན།། ཆོས་ཉིད་དབྱིངས་སུ་ཚེ་སྦས་པས།། དུས་གསུམ་རྒྱལ་བ་དགྲར་ལངས་ཀྱང་། དེ་ལ་གཟུང་ཞིང་བསྟན་དུ་མེད།། དེ་ནས་ཅི་བདེ་སྤྱད་པར་བྱ།། རྡོ་རྗེ་ཚེ་སྒྲུབ་པའོ།། དེ་ནས
394b3 སེམས་དཔའི་རྡོ་རྗེ་དམ་པ་དེ་རྡོ་རྗེ་ཁྲོ་བོ་ཚེ་ཀུན་དུ་འཕྲོག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ།། གནས་འགྱུར་མཎྜལ་འབར་བྱས་ལ།། ཡེ་ཤེས་ཁྲོ་བོ་འབར་བ
394b4 ཡི།། ཐུགས་ཀྱི་དཔལ་བེའུའི་འོད་ཟེར་ལས།། དབང་གི་ལྷ་མོ་མང་པོ་འཕྲོས།། ཟ་མ་ཏོག་དག་བཅས་པ་ཡི།། ལྕགས་ཀྱུ་དཀར་དམར་ལག་ན་ཐོགས།། དེ་ཡིས་འགྲོ་དྲུག་ཐམས་ཅད་ཀྱིས།། ཚེ་དང་གཟི་བྱིན་ཐམས
394b5 ཅད་འཕྲོགས།། ཟ་མ་ཏོག་ཏུ་བསྡུས་ནས་ཀྱང་།། ཚེ་ཡི་རིག་འཛིན་རྣམས་ལ་བསྟིམ།། ཇི་ལྟར་འདོད་པ་གོང་ལྟར་སྦྱར།། རྡོ་རྗེ་གཟི་མདངས་འཕྲོག་པ་ཞེས་བྱ་བའི་མདོའོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ
394b6 ཀུན་འདུས་རིག་པའི་མདོ་ལས་རྡོ་རྗེ་ཚེ་བསྒྲུབ་པའི་ལེའུ་ཞེས་བྱ་སྟེ་བཅུ་གཅིག་པའོ།། །། དེ་ནས་སེམས་དཔའི་རྡོ་རྗེ་དམ་པ་དེ་ཚོགས་ཐམས་ཅད་ཡོངས་སུ་རྫོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པ
iiif viewer powered by OpenSeadragon
