| e-texts navigator |
| Wylie |
394a1 གནས་སུ་ཚོམ་བུར་བྲི།། སྒོ་བཞིར་སྒོ་མ་བཞི་རྣམས་གཞག། སེམས་ཀྱི་ཕྱག་རྒྱ་ཀུན་བཀོད་ནས།། ཉི་ཟླ་ག་འུར་ཨ་ཡུ་ནི།། འཁྱིལ་འབར་འཚེར་ཞིང་གསལ་བར་བྱ།། ཨ་ཡུ་བྱང་ཆུབ་སེམས་སུ
394a2 ཞུ།། རྒྱལ་མཚན་མཆོག་ལྡན་རིན་ཆེན་གཏེར།། དབང་བསྐུར་དཔལ་ལྡན་མཛོད་ལྡན་མ།། གསང་བའི་བུ་མོ་ཚེ་གཏེར་འཛིན།། ཨ་ཡུ་ཡུམ་བཞིའི་ཐུགས་ཀར་འཕྲོས།། དེ་བཞིན་ཚོམ་བུ་རིམ་པར་བརྒྱུད།། རྡོ་རྗེ་ཚེ
394a3 མཆོག་ཀུན་བསྡུས་ནས།། དཀར་དམར་འོད་ཀྱིས་བདག་ལ་བསྟིམ།། དེ་ནས་རྡོ་རྗེ་ཚེ་ཕྲེང་བཟླས།། ནུབ་ཕྱོགས་ཚེ་ཡི་དབྱིངས་མཆོག་གི། པདྨ་དབང་གི་ཞིང་ཁམས་སུ།། བྱམས་ལྡན་ཡེ་ཤེས་ཚེ་དཔག་མེད།། ཐུགས
394a4 ཀྱི་དཔལ་བེའུ་ཆེན་པོ་ནི།། གཉིས་གསལ་འོད་ཀྱི་གའུ་ན།། བྱང་ཆུབ་སེམས་ཀྱི་ཨ་ཡུ་འབར།། དམར་གསལ་འབར་བའི་ཚེ་མཆོག་དེ།། རིག་འཛིན་རྣལ་འབྱོར་རྣམས་ལ་འཕྲོ།། འཕྲོས་པ་དགུ་ལུང་དམ་པ
394a5 ཡིས།། ཙིཏྟའི་དབུགས་ལ་བཀྲག་ཏུ་བསླན།། ཚེ་ཉམས་རྒྱུ་དྲུག་ཀུན་སྤངས་ནས།། གཟི་བྱིན་སྐྱེ་བའི་རྒྱུ་ལྔ་བསྒོམ།། བྱང་ཆུབ་སེམས་ཀྱི་ཨ་ཡུ་དེ།། སྐྱེ་མེད་དབྱིངས་སུ་སྦས་ནས་ཀྱང་།། ཕྱག་རྒྱའི་ཐ་མར་བདུན་གྱིས
394a6 བཤད།། དང་པོ་སྐུ་གསུང་ཐུགས་ཀྱི་རྒྱ།། གཉིས་པ་གནོན་པའི་རྒྱ་གྲམ་འབར།། གསུམ་པ་རྟ་མཆོག་དཔལ་གྱི་རྒྱ།། བཞི་པ་རིན་ཆེན་དཔལ་བེའུ་སྟེ།། ལྔ་པ་གསེར་གྱི་གུ་ཧྱའོ།། དྲུག་པ་ཟླ་གམ་དམར་པོ
iiif viewer powered by OpenSeadragon
