| e-texts navigator |
| Wylie |
393b1 ཚེ།། རིག་འཛིན་རྣལ་འབྱོར་སྒྲུབ་པ་པོ།། ཤར་གྱི་ཕྱོགས་སུ་ཁ་བལྟས་ཏེ།། ཤར་ཕྱོགས་ནམ་མཁས་བསྡུས་པ་ཡི།། ལྷ་ཀླུ་གནོད་སྦྱིན་འཇིག་རྟེན་བཅས།། ཐམས་ཅད་ཁོང་དུ་བསྡུས་ནས་ཀྱང་།། དབུགས་དེ་སླར་ལ
393b2 མི་དབྱུང་བར།། རང་གི་ཁོང་དུ་བསྟིམ་པར་བྱ།། ཐ་མར་སྣ་ཡི་ནང་དུ་བསྲེ།། དེ་ལྟར་མང་པོར་སྒྲུབས་པ་དང་།། དཔལ་ཆེ་གཟི་བརྗིད་ཐམས་ཅད་འཐོབ།། ཅེས་གསུངས་སོ།། དེ་ནས་ཡང་སེམས་དཔའི་རྡོ་རྗེ་སྙིང་པོ
393b3 དེས་རྟེན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ།། གང་ཞིག་རྟེན་ལ་གནས་འདོད་པ།། མཚན་མ་བཟང་པོའི་གནས་མཆོག་ཏུ།། ཐམས་ཅད་འབྱོར་པར་བྱས་ནས་ནི།། ས
393b4 ལས་བྱས་པའི་སྟེགས་བུ་བཤམས།། དབུས་ཀྱི་པདྨ་འདབ་བརྒྱད་ལ།། ཟླ་གམ་དམར་པོ་སྒོ་བཞིར་ལྡན།། མཐའ་མ་རྡོ་རྗེ་ར་བས་བསྐོར།། དཔལ་ལྡན་ཚེ་ཡི་ཕྱག་རྒྱ་དགོད།། རིན་ཆེན་ལུགས་ཀྱི་བུམ་པ་ལ།། ཚེ
393b5 རྫས་རྒྱས་པར་བྱས་ནས་ནི།། མཚན་ལྡན་སྣོད་ཀྱིས་ཁ་དགབ་བྱ།། རྡོ་རྗེ་གཟུངས་ཀྱིས་བཏགས་ནས་ནི།། ཚེ་ཚད་མེད་པར་མངའ་གསོལ་ལ།། དབུས་སུ་དེ་བཞིན་གཞག་པར་བྱ།། རིན་ཆེན་བུམ་པ་བཞི་རྣམས
393b6 ལ།། གསང་བའི་བུ་མོ་བཞི་བཀོད་གཞག། ཡ་མཚན་བྱུང་བའི་བུམ་པ་ལ།། རིགས་བཞི་སངས་རྒྱས་ཡབ་ཡུམ་དང་།། སོ་སོའི་འཁོར་གྱི་སེམས་དཔའ་རྣམས།། ཐབས་དང་ཤེས་རབ་སྡེབས་ནས་ནི།། ཕྱོགས་ཕྱོགས
iiif viewer powered by OpenSeadragon
