| e-texts navigator |
| Wylie |
393a1 སོ།། དེ་ནས་སེམས་དཔའི་རྡོ་རྗེ་དམ་པ་དེས་ཆོས་ཐམས་ཅད་གྲུབ་པ་སྨོན་ལམ་གྱི་སྒོ་ནས་འཇུག་པར་མཁྱེན་ནས་སྨོན་གནས་ཆེན་པོའི་ལམ་འདི་གསུངས་སོ།། འགྲོ་དྲུག་རྒྱལ་བའི་སྲས་པོ་འདི།། མ
393a2 རྟོགས་ལོག་པར་འཁྱམས་པ་རྣམས།། རྒྱལ་བའི་སྲས་སུ་བསྐྱེད་ནས་ནི།། འཁོར་བའི་རྒྱུན་རྣམས་གཅད་པར་བྱ།། ཉི་ཟླའི་ནང་དུ་བཞག་ནས་ནི།། བཅུ་དྲུག་ས་ལ་རྫོགས་པར་འགྱུར།། དེས་ན་རིགས་ལྡན་མཚན
393a3 བཟང་ལ།། དོན་དང་ལྡན་པའི་མཁས་པ་ཡིས།། སྦྱོར་བའི་ཡན་ལག་ཀུན་རྫོགས་ནས།། ཡུམ་གྱི་ནམ་མཁའ་དབྱིངས་ཟླ་གམ་ལ།། གྲུབ་པའི་གཞལ་ཡས་ཁང་དུ་བསྐྱེད།། རྩིབས་བརྒྱད་ཟླ་གམ་དགུར་གསལ
393a4 ལ།། བྱང་ཆུབ་སེམས་ལས་ཕྱག་རྒྱའི་ཚོགས།། ལྷ་དགུ་གསལ་བའི་ཡེ་ཤེས་བསྐྱེད།། དེས་ནི་ཐམས་ཅད་རྫོགས་པར་འགྱུར།། ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ
393a5 ལས་གསང་སྦྱོར་སྒྲུབ་པའི་ལེའུ་སྟེ་བཅུ་པའོ།། །། དེ་ནས་སེམས་དཔའི་རྡོ་རྗེ་སྙིང་པོ་དེ་མི་འགྱུར་བ་གཏན་འཕོ་བ་མེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ།། རྣལ
393a6 འབྱོར་རིག་འཛིན་གང་ཞིག་རྣམས།། མི་འཕོ་བར་ནི་གནས་འདོད་པ།། ལོ་གཅིག་གམ་ནི་ཟླ་གཅིག་གམ།། དེ་བཞིན་ཞག་གི་རྣམ་གྲངས་ཀྱང་།། བཅོ་ལྔའང་ཡང་ན་བདུན་པར་དུ།། ཐོ་རངས་ཐུན་ཟའི་དང་པོའི
iiif viewer powered by OpenSeadragon
