| e-texts navigator |
| Wylie |
392b1 སྙོམས་པར་ཞུགས་ནས་འདི་སྐད་ཅེས་གསུངས་སོ།། ཆོས་ཉིད་ནམ་མཁར་རྟོགས་གྱུར་ན།། སྦྱོར་སྒྲོལ་མང་པོ་ཅི་བྱས་ཀྱང་།། ཆགས་སྡང་དྲང་བའི་ཐབས་ཡིན་ཏེ།། རྡུལ་ཆ་ཙམ་ཡང་སྣང་བ་མེད།། ཅེས་གསུངས
392b2 སོ།། དེ་ནས་སངས་རྒྱས་ཐམས་ཅད་བཙུན་མོའི་ཚོགས་ཐམས་ཅད་ལ་དགྱེས་པའི་རོལ་པ་ལ་ཞུགས་པར་གྱུར་ཏེ།། མི་དམིགས་པའི་བདེ་བ་ལ་ཅི་ཡང་མི་གཡོ་བར་གྱུར་ཏོ།། དེ་ནས་བྱང་ཆུབ་སེམས་ཀྱི་ཆར་ཆེན་པོ
392b3 པདྨའི་སྙིང་པོ་རྒྱུན་མི་འཆད་པར་འབབ་པར་གྱུར་ཏོ།། འཁོར་བ་ཐམས་ཅད་ནི་རྒྱལ་བའི་སྲས་པོར་བསྐྱེད།། རྒྱལ་བ་འགོག་པ་ནི་བྱང་ཆུབ་སེམས་ཀྱི་བརླན་པར་མཛད་ཅིང་སྲིད་པའི་མྱུ་གུ་མངོན་པར་བསྐྱེད།། རྨད
392b4 དུ་བྱུང་བའི་མཆོད་པའི་ཡོ་བྱད་ནི་བསམ་གྱིས་མི་ཁྱབ་པའི་ལིང་ལོང་ཕྱེད་པར་བྱུང་ངོ་།། རིག་འཛིན་གྱི་སེམས་དཔའ་ཐམས་ཅད་ནི། ཤེས་བྱའི་སྒྲིབ་པ་སྦྱངས་ནས་ཆོས་ཀྱི་སྐུའི་ནང་དུ་བརླན་པར་གྱུར་ཏོ།། དེ་ནས
392b5 སེམས་དཔའི་རྡོ་རྗེ་དེས་འགྲོ་བ་ཐམས་ཅད་ལ་དབང་བསྐུར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དཔག་ཏུ་མེད་པའི་རྒྱལ་བ་རྣམས།། འཁོར་བའི་སེམས་ཅན་རྒྱུ་ལས་བྱུང་།། འཁོར་བའི་སེམས
392b6 ཅན་རྒྱུན་ཆད་ན།། སངས་རྒྱས་རྒྱུན་ཡང་འཆད་པར་འགྱུར།། འཁོར་བ་ཆོས་ཉིད་རང་བཞིན་དུ།། ཤེས་ནས་སྨྲ་བར་གང་བྱེད་པ།། རིག་པའི་ཡེ་ཤེས་རང་དབང་དེ།། ཆོས་ཀྱི་རྒྱལ་པོ་རྒྱལ་བའི་སྲས།། ཞེས་གསུངས
iiif viewer powered by OpenSeadragon
