| e-texts navigator |
| Wylie |
392a1 རབ་གཟུངས།། པདྨའི་གའུ་འཁྱིལ་པ་ལ།། བདེ་བའི་རྡོ་རྗེ་བྱང་ཆུབ་འབར།། ཞེས་སྒྲ་བྱུང་བས།། ཕྱག་རྒྱ་སྣ་ཚོགས་ཀྱི་ཆོ་འཕྲུལ་འབྱུང་བའི་རྒྱུར་གྱུར་ཏོ།། དེ་ནས་སེམས་དཔའ་རྡོ་རྗེ་དམ་པ་དེས
392a2 འཁོར་བ་ཐམས་ཅད་ཐུགས་རྗེས་ཡོངས་སུ་བཟུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས།། ཐབས་མཆོག་ཟླ་བ་རྡོ་རྗེ་ཞེས་བྱ་བ་ལས་ཆོ་འཕྲུལ་གྱི་སྒྲ་འདི་བྱུང་ངོ་།། འདོད་པའི་དབང་པོ་ཐམས་ཅད
392a3 ནི།། ཆགས་པའི་འགྱིང་བའི་གཙོ་མོ་ཡིན།། ཆགས་པ་རྣམ་པར་སྦྱང་བའི་ཕྱིར།། འདོད་པ་གནས་སུ་དྲང་བར་བྱ།། ཞེས་བྱུང་བས། འཁོར་བ་ཐམས་ཅད་ཐུགས་རྗེ་ཆེན་པོའི་ལྷུང་བཟེད་ཀྱིས་བཟུང་ངོ་།། དེ་ནས
392a4 སེམས་དཔའི་རྡོ་རྗེ་དེ་སྒྲིབ་པ་སྲེག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ།། རྡོ་རྗེ་འབར་བའི་ལིངྒ་ལ།། ཨ་ཡི་ཡེ་ཤེས་འོད་འཕྲོས་པས།། ཆགས་པའི་སྒྲིབ་པའི་བུད་ཤིང
392a5 རྣམས།། མེ་ཡི་ཡེ་ཤེས་ཀྱིས་སྦྱངས་སོ།། དེ་ནས་ཡང་སེམས་དཔའི་རྡོ་རྗེ་དེས།། བྷ་ག་བྱིན་གྱིས་རློབ་པ་ལ་སྙོམས་པར་ཞུགས་ནས་གསུངས་པ།། འཁོར་བར་སྣང་བའི་ཆོས་རྣམས་ཀུན།། བྷ་གའི་སྙིང་པོར་རབ
392a6 གསལ་བ།། ཡུམ་གྱི་ལུས་ཀྱི་ཡན་ལག་རྣམས།། ཡུམ་ལྔའི་རང་བཞིན་ཉིད་དུ་གསལ།། ཞེས་གསུངས་སོ།། དེ་ནས་སེམས་དཔའི་རྡོ་རྗེ་སྙིང་པོ་དེས་ཆགས་པ་ཐམས་ཅད་གཅོད་པ་ཞེས་བྱ་བའི་ཏིང་ངེ་འཛིན་ལ
iiif viewer powered by OpenSeadragon
