| e-texts navigator |
| Wylie |
391a1 བཞིན་མེད་ཤེས་པས།། ཐམས་ཅད་ཆོས་ཉིད་སྙིང་པོ་ཡིན།། མཚན་མ་རྟོག་པའི་དྲི་མ་དག། ཆོས་ཉིད་ཆུ་བོ་དེས་བཀྲུས་ན།། འཛིན་པའི་དྲི་མ་དག་པར་འགྱུར།། དེ་ནས་རྒྱན་གྱི་ཆོ་ག་ནི།། རྫས་ཀྱི་ཡོ
391a2 བྱད་ཡིན་པས་ན།། རློབ་ཅིང་འཕུར་བའི་ཆས་གོས་དང་།། རིན་ཆེན་ཕྲོག་དང་རྣ་ཆར་བཅས།། འཇོལ་སྒེག་མགུལ་རྒྱན་ལ་སོགས་པ།། དཔུང་རྒྱན་དོར་ཤལ་སེ་མོ་དོ།། ནོ་བུ་རིན་ཆེན་ལ་སོགས་བརྒྱན།། རྐང་གདུབ
391a3 ལག་གདུབ་ལ་སོགས་པ།། གསེར་དང་དངུལ་ལ་སོགས་པས་བརྒྱན།། རོལ་མོ་སྒྲ་དབྱངས་སྣ་ཚོགས་པའི།། མཆོད་རྫས་སྣ་ཚོགས་ཐོགས་པར་བྱ།། དེ་ནས་འདྲེན་པའི་ཆོ་ག་ནི།། གསང་བའི་ཚིག་གིས་བསྲེ་བ
391a4 ན།། རྡོ་རྗེ་ལྕེ་ཡི་དམ་ཚིག་གིས།། ཚིག་གི་བརྡས་ནི་མཚོར་བར་བྱ།། ས་མ་ཡ་ཧོ་ཞེས་བརྗོད་ན།། ས་མ་ཡ་སྟྭཾ་ཞེས་ཀྱང་བསྲེ།། ར་ག་ཡ་མི་ཞེས་བརྗོད་ན།། ར་ཧོ་ཧཾ་ཞེས་བརྗོད་པར་བྱ།། ཏི་པ་སུ་ཀི་ཞེས་བརྗོད
391a5 ན།། གན་དེ་ཙི་ཏ་ཞེས་པས་མཚོན།། ཨ་ཏི་པུ་ཧོ་ཞེས་བརྗོད་ན།། པྲ་ཏི་པུ་ཧོ་ཞེས་པས་མཚོན།། གཡས་ཀྱི་སྤྲིན་མ་བསྐྱོད་བྱས་ན།། གཡོན་གྱི་སྨིན་མས་མཚོན་པར་བྱ།། ན་ས་གཡས་ཀྱིས་མཚོན་བྱས་ན།། དེ་བཞིན
391a6 ན་ས་གཡོན་གྱིས་མཚོན།། གཙུག་ཏོར་གཙུག་ཏུ་མཚོན་བྱས་ན།། དེ་བཞིན་དཔལ་བེའུའི་ལིངྒར་མཚོན།། རྡོ་རྗེ་ལིངྒ་འོད་འཕྲོ་ན།། པདྨ་ཟེ་འབྲུ་འབར་འཕྲོ་འཁྱིལ།། ཞེས་པའི་ཚིག་གི་དོན་རྣམས་བསྲེ།། བསྐུལ་བའི
iiif viewer powered by OpenSeadragon
