| e-texts navigator |
| Wylie |
390b1 སྒྲིབ་པ་མུ་མཐའ་ཡས།། རྨད་དུ་གསང་བའི་མཆོད་པ་ལ།། གསང་བའི་ཕྱག་ཚང་གང་བྱེད་པ།། ལས་ཀྱི་སྒྲིབ་པ་ཀུན་བསལ་ཏེ།། མན་ངག་གསང་བའི་དམིགས་བུ་འཐོབ།། དེ་ལྟར་བརྟགས་པའི་ཡུམ་དེ་ལ།། དྲི
390b2 སྤོས་ཙནྡན་ལ་སོགས་པས།། ཨ་ག་རུ་དང་སྦྱར་བའི་ཆུ།། ཁྲུས་ཀྱི་ཆོ་གས་དག་པར་བྱ།། དྲི་ཞིམ་ལ་སོགས་སྣ་ཚོགས་ཀྱིས།། ལུས་ལ་བྱུག་པ་སྣ་ཚོགས་བྱ།། དེ་ནས་ནང་གི་ཁྲུས་ཆེན་ཡང་།། ཤིན་ཏུ་དག་པར་བྱ་བ
390b3 ནི།། རྫས་ཀྱི་ཆུ་དང་རྫས་སྦྱར་བས།། ནང་གི་རྫས་རྣམས་དག་པར་བྱ།། བུར་ཤིང་སྙིང་པོ་ལ་སོགས་པ།། རོ་ཡི་མཆོག་ཏུ་གྱུར་པ་ཀུན།། རྩི་འམ་བཅུད་དང་སྦྱར་ནས་ཀྱང་།། ནང་གི་རྫས་རྣམས་སྦྱར་བར་བྱ།། རྫས
390b4 ཀྱི་ཆོ་ག་རྫོགས་པ་དང་།། བྱང་ཆུབ་མཆོག་ཏུ་སེམས་བསྐྱེད་དེ།། མ་དམིགས་ཆོས་ལ་བློ་སྦྱངས་ཕྱིར།། རྩ་བ་བྱང་ཆུབ་སེམས་ཀྱི་དོན།། རྒྱ་ཆེར་ཤིན་ཏུ་བཤད་པར་བྱ།། ཕུང་པོ་སྒྱུ་མར་སྣང་བས་ན།། སེམས་ལ་རང
390b5 བཞིན་མེད་པར་ངེས།། སྣང་སྲིད་ནམ་མཁར་གཅིག་པས་ན།། འཁོར་བ་སྒྱུ་མ་ཡིན་པར་ངེས།། ཀུན་གཞི་ཆོས་ཀྱི་མཛོད་ཡིན་པས།། སངས་རྒྱས་གཞན་ན་མེད་པར་ངེས།། བྱམས་ལ་དང་མ་ཆགས་པས་ན།། སྡང་ལ
390b6 སེམས་མི་འཁྲུག་པར་ངེས།། གནས་ལ་ངེས་པ་མེད་པས་ན།། ས་རྣམས་བགྲོད་པ་མེད་པར་ངེས།། སེམས་ལ་སྐྱེ་ཤི་མེད་པས་ན།། འཕོ་འགྱུར་དག་ལ་ཉམ་མི་ང་།། དེས་ན་ཐམས་ཅད་སྒྱུ་མར་སྣང་།། སྒྱུ་མ་རང
iiif viewer powered by OpenSeadragon
