| e-texts navigator |
| Wylie |
38b1 ཆེན་པོ་ཟུང་དུ་འཇུག། རྒྱ་ཆེན་འོད་གསལ་ཡང་པ་བདེ།། དངོས་པོའི་མཚན་ཉིད་རྣམ་པར་དག། སྒྱུ་མའི་གཟུགས་སུ་རྨི་ལམ་ཉིད།། རྟོག་པ་མེད་ལ་བན་བུན་ཙམ།། དེ་ཉིད་མི་རྟོག་དགོངས་པ་སྟེ།། རང་གསལ་ཤེས
38b2 པའི་ཆོས་སྐུ་ནི།། རང་གསལ་ཡིན་ཕྱིར་རྩོལ་བྱེད་བྲལ།། སྣང་བ་ཁ་ཡིད་ཁོག་སྟོང་ལ།། རྣམ་ཤེས་བུན་ནེ་ལིང་ངེར་བཞག། གང་ལ་བཞག་པ་རང་ན་བདེ།། བདེ་བར་ཤེས་ན་མི་བདེ་མེད།། ཤེས་ཤིང་རྩོལ་ན་སྡུག
38b3 བསྔལ་ཡིན།། ཞེས་གསུངས་སོ།། རིན་པོ་ཆེ་འཁོར་ལོ་བརྩེགས་པའི་རྒྱུད་ལས། ཉིད་ཀྱི་དགོངས་པ་རྣམ་པར་དག་པའི་ལེའུ་སྟེ་གཉིས་པའོ།། །། དེ་ནས་ཡང་ཉིད་ཀྱི་རང་བཞིན་གྱིས་ཉིད་ཀྱི་ངོ་བོ་ལ་རང་བཞིན
38b4 གྱིས་ཆེ་བའི་དོན་བསྟན་པའི་ཕྱིར། ཨེ་མ་ཧོ་ངོ་བོ་ཉིད་བདེ་ཆེན་པོ། འབྱུང་བ་ནམ་མཁའི་སྣང་བ་ལ་ཡེ་ཤེས་ཀྱི་འོད་ཆེན་པོ་ཤར་ཞིང་རྩི་ཤིང་ནགས་ཚལ་དུ་འཁྲུངས་པ་དང་། སྐྱེ་འགྲོ་གཟུགས་སུ་སྣང་བ་ཐམས་ཅད
38b5 རང་བཞིན་ཀུན་ཏུ་བཟང་པོའི་རྩལ་དུ་རང་ཤར་བ་ཡིན་ཏེ་འདུས་ཀྱང་རང་རིག་པ་ཁོ་ནའི་ཚུལ་དུ་འདུས་སོ།། སྣང་བ་རྒྱ་ཡན་ལ་སེམས་ཀྱི་མེ་ལོང་རང་གསལ་ཡང་སེམས་ཉིད་རིན་པོ་ཆེའི་སྒྲོན་མ་རང་གསལ་བས
38b6 རང་ལ་ངོ་བོ་ཉིད་ཀྱི་རྒྱུར་རྫོགས་ཤིང་ཡེ་ཤེས་ཀྱི་སྣང་བར་ལྷག་གེ་འདུག་པའོ།། སེམས་ཉིད་རིན་པོ་ཆེ་ལྟ་བུའི་དོན་རྟོགས་ན་མེ་ལོང་གསལ་བ་ལ་བྱི་དོར་བྱས་ཏེ་གཡའ་དག་པའི་རང་བཞིན་དུ་སྣང་བ་ལྟར་རང
iiif viewer powered by OpenSeadragon
