| e-texts navigator |
| Wylie |
38a1 ལའང་བཅར་མེད་པའོ།། བསྟན་མེད་ལུང་བྲལ་ཆོས་ཉིད་ནི།། རང་བཞིན་མ་བཅོས་པ་ཡི་འདུ་འཕྲོ་སྟེ།། རང་ལས་བྱུང་བའི་ཆོ་འཕྲུལ་མི་འགག་པ།། བདེན་རྫུན་ཤར་བའི་སྣང་བ་དང་།། ཐམས་ཅད
38a2 བདེན་རྫུན་མེད་པ་ཡི།། བྱང་སེམས་ཀུན་ཏུ་བཟང་པོའོ།། ཉག་གཅིག་གི་ཆོས་ཉིད་དོ།། ཞེས་ཉིད་ལ་ཉིད་ཀྱིས་གསུངས་པའོ།། རིན་པོ་ཆེ་འཁོར་ལོ་བརྩེགས་པའི་རྒྱུད་ལས། གླེང་གཞི་གྲུབ་ཚུལ་དང་བཅས་པའི
38a3 ལེའུ་སྟེ་དང་པོའོ།། །། དེ་ནས་ཡང་ཉིད་ཀྱི་རང་བཞིན་བདེ་བ་ཆེན་པོའི་དོན་ལ་ཉིད་ཀྱིས་ཞུས་པར། ཨེ་མ་ཧོ་གང་འདོད་པ་དང་བཅས་པ་ལ་ནི། མཐའ་རང་གིས་མ་བསྒྲིབས་ཤིང་མ་གྲུབ་པའི་དོན་ཅི་ལྟར་ཡིན
38a4 ཞེ་ན། བདག་མཐའ་མེད་པའི་ཆོས་ཉིད་ལ།། གཡོ་བ་མེད་པར་གང་གནས་པ།། མ་སྐྱེས་པ་ཡི་ཆོས་ཉིད་ཡིན།། དངོས་པོ་སྒྱུ་མ་ལྟར་ཤེས་ན།། དངོས་མེད་དོན་ཉིད་རང་སར་གོལ།། ཀུན་ཏུ་བཟང་པོའི་དགོངས་པ
38a5 ནི།། མཚན་མ་གང་ཡང་བྲི་ཐོབ་མེད།། སེམས་ཀྱི་རང་བཞིན་ནམ་མཁའ་འདྲ།། ཐམས་ཅད་འབྱུང་བཞི་རིན་པོ་ཆེ།། དངོས་སུ་མི་སྣང་ཕྱོགས་དང་བྲལ།། ཕྱོགས་བྲལ་དོན་ལ་ཕྱོགས་སུ་བྱུང་།། མ་སྐྱེས་པ་ཡི་ཆོས
38a6 ཉིད་ལ།། ཕྱོགས་ཀྱི་ཐ་སྙད་གང་ལ་འདོགས།། རྟེན་དང་བྲལ་ཕྱིར་གདགས་གཞི་མེད།། ནམ་མཁའི་སྣང་བ་གཏིང་ཕྱིན་ན།། གསེར་གྱི་རེ་ཐག་རྟོད་ཕུར་གྲོལ།། འབྱུང་བ་རླུང་ཆེན་མཁའ་ལ་དངས།། འོད་གསལ
iiif viewer powered by OpenSeadragon
