| e-texts navigator |
| Wylie |
389b1 དབང་བསྐུར་ནས།། བདེ་གཤེགས་ཡུམ་ལྔའི་སྐུ་མཆོག་གསལ།། རྡོ་རྗེ་ཐབས་ལའང་དེ་བཞིན་ཏེ།། དེ་ལྟར་གསལ་བར་གྱུར་པ་དང་།། ཡུམ་གྱི་མཁའ་ལ་མེ་རི་བསྒོམ།། གསང་བ་དབུས་ཀྱི་ཟླ་གམ་ལ།། བྱང་ཆུབ
389b2 སེམས་ཀྱི་སྤྲོ་བསྡུ་བྱ།། གཟུགས་བརྙན་ཇི་ལྟར་གསལ་བ་བཞིན།། ཆགས་པའི་མཁའ་ལ་དེ་བཞིན་ནོ།། མ་སྐྱེས་པ་དང་མ་འགགས་པ།། རིག་པ་སྣང་མཉམ་པའོ།། མཁའ་དབྱིངས་རྣམ་དག་བདེ་ཆེན་ཀློང་།། མི
389b3 གནས་བདེ་བ་ཆེན་པོའི་ལུང་།། རིག་པ་ཐབས་ཀྱི་རང་བཞིན་ལས།། བྱིན་བརླབས་རང་དབང་ངང་གིས་གསལ།། བཞིན་མདོག་དམར་པོ་སོག་ཀ་ལ།། དཔྲལ་བའི་དབྱེས་ཆེ་སྨིན་དཀྱུས་རིང་།། མིག་གི་མདངས
389b4 གསལ་དཀྱུས་སུ་རིང་།། དུང་ཆེན་ཐགས་དམ་ཤེལ་མདོག་ཆགས།། བཞིན་གྱི་གཟངས་རིང་ཀོས་ཀོ་ཕྲ།། ལུས་ལ་ཞིམ་པའི་དྲི་ལྡང་ཞིང་། ཁ་ནས་ག་བུར་ངད་ལྡན་པ།། ནུ་མའི་དཀྱིལ་མཐོ་ནུ་མར་འཁྱིལ།། པདྨ
389b5 ཅན་ཞེས་བྱ་བར་གྲགས།། དུང་ཅན་མ་ཞེས་བསྟན་པ་ནི།། དཀར་མོ་ཟླ་བའི་མདངས་སུ་གསལ།། བཞིན་ལུས་དུང་ལྟར་གཡས་སུ་གཡོ།། གཙུག་པུད་མཐོན་མཐིང་གཡས་སུ་འཁྱིལ།། སྐད་ཆེ་གདངས་སྙན་ཚིག་ཏུ
389b6 གསལ།། བོང་ཆུང་ལུས་ནི་མཛེས་པར་སྣང་།། བུ་མོ་མིག་རིང་ཞེས་བྱ་བ།། ཤེས་རབ་གསལ་ཞིང་འདོད་པ་ཆེ།། གཙོ་བོ་ངེས་པའི་བརྟུལ་ཞུགས་ཅན།། ཟླ་གསང་དཀར་དམར་རླུང་ཀར་ལྕི།། རྣམ་པར་བརྡེག་ཅིང
iiif viewer powered by OpenSeadragon
