| e-texts navigator |
| Wylie |
388b1 འགྱུར།། དགེ་དང་མི་དགེའི་བག་ཆགས་དང་།། ཡོད་དང་མེད་པའི་རང་བཞིན་རྣམས།། བག་ཆགས་རྟས་པ་ཁོར་ནར་ཟད།། དེ་བས་ཏིང་འཛིན་སེམས་ཉིད་གཙོ།། ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ
388b2 བཀོད་པ་ཀུན་འདུས་རིག་པའི་མདོ་ལས་རྒྱུན་གྱི་ཏིང་ངེ་འཛིན་གྱི་ལེའུ་སྟེ་དགུ་པའོ།། །། དེ་ནས་སེམས་དཔའི་རྡོ་རྗེ་སྙིང་པོ་དེས་གསང་སྦྱོར་ཆེན་པོ་སྒྲུབ་པ་འདི་གསུངས་སོ།། འདུས་པ་ཆེན་པོའི་རྣལ་འབྱོར
388b3 རྣམས།། ཤིན་ཏུ་གསང་བའི་སྒྲུབ་པ་འདི།། བདེ་གཤེགས་རྒྱལ་བའི་གཤེགས་ཤུལ་ཏེ།། འཇིག་རྟེན་གང་ཟག་ལམ་ཡང་ཡིན།། མ་རྟོགས་པ་དང་ལོག་པར་རྟོགས།། ཕྱོགས་རྟོགས་ཡང་དག་ཉིད་མ་རྟོགས།། ལོག
388b4 པའི་ལམ་བཞི་མཐའ་བསལ་ནས།། བདེ་གཤེགས་རྒྱལ་བའི་ལམ་ལ་འཇུག། དེས་ན་སྒྲུབ་པའི་ལམ་མཆོག་འདི།། འདུས་པའི་ཚོགས་ལ་བཤད་པར་བྱ།། ཤིན་ཏུ་གུས་པས་མཉན་པར་གྱིས།། དེ་ནས་འདུས་པའི
388b5 འཁོར་རྣམས་ཀྱིས།། གསང་བ་སྦྱོར་བའི་ཕྱག་བྱས་ནས་འདི་སྐད་ཅེས་གསོལ་ཏོ།། བཅོམ་ལྡན་འདས་གསང་བའི་དབང་ཕྱུག་ཆེན་པོ་བདག་ཅག་རྣམས་ལ་གསང་བའི་ཡང་གསང་བ། བཀའ་གསང་བ་ཆེན་པོ་ཡེ
388b6 ཤེས་རྨད་དུ་བྱུང་བ། སངས་རྒྱས་བཤགས་པའི་ཤུལ་ཡང་དག་པའི་དོན་བདག་ཅག་རྣམས་ལ་བཤད་དུ་གསོལ། ཞེས་གསོལ་བ་བཏབ་པ་ལས་སེམས་དཔའི་རྡོ་རྗེ་སྙིང་པོ་དེ། བཙུན་མོའི་ཚོགས་ལ་དགྱེས་པར
iiif viewer powered by OpenSeadragon
