| e-texts navigator |
| Wylie |
388a1 སྐུ།། རིན་ཆེན་འབར་བའི་ངོས་བརྒྱད་ལ།། རིག་པའི་མ་མོ་དཔལ་འབར་བ།། བརྒྱད་དུ་གསལ་བར་གྱུར་པ་དང་།། ཡེ་ཤེས་རྩ་བའི་དཀྱིལ་འཁོར་རྫོགས།། ཞེས་གསུངས་སོ།། དེ་ནས་ཡང་སེམས
388a2 དཔའི་རྡོ་རྗེ་སྙིང་པོ་དེས་གསུང་གི་ཕྱག་རྒྱ་འབར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ།། པདྨ་འབར་བའི་ལིངྒ་ལ།། རིན་ཆེན་འབར་བའི་ཡིག་འབྲུ་བརྒྱད།། ཤིན་ཏུ
388a3 འབར་ཞིང་འཕྲོ་འདུ་བ།། གསུང་གི་རྩ་བའི་རྒྱག་རྒྱ་ཡིན།། ཞེས་གསུངས་སོ།། དེ་ནས་ཡང་སེམས་དཔའི་རྡོ་རྗེ་དེ་ཐུགས་ཀྱི་ཕྱག་རྒྱ་འབར་བ་ཞེས་བྱ་བའི་ཏིང་ངེ་འཛིན་ལ་ཉམས་པར་ཞུགས་ནས་འདི་སྐད་ཅེས
388a4 གསུངས་སོ།། རྡོ་རྗེ་འབར་བའི་ལིངྒ་ལ།། ཡི་གེ་ཧཱུཾ་གི་འབྲུ་ཡིས་བསྐོར།། མཐའ་མ་རིན་ཆེན་ཡི་འབྲུ་བརྒྱད།། ཁ་དོག་མཐིང་གས་བསྐོར་བ་ནི་མ།། ཐུགས་ཀྱི་གསང་བའི་ཡེ་ཤེས་ཡིན།། ཞེས་གསུངས་སོ།། དེ་ནས
388a5 སེམས་དཔའི་རྡོ་རྗེ་དེས་ཏིང་ངེ་འཛིན་གྱི་མདོ་འདི་གསུངས་སོ།། སེམས་ནི་སྒྱུ་མའི་རང་བཞིན་ཏེ།། ཇི་ལྟར་བརྟགས་པ་དེ་ལྟར་སྣང་།། མདོ་བཞིན་སྣང་བར་མ་གྱུར་ཀྱང་།། སེམས་ཉིད་བརྟགས་པ་དེ་ལྟར
388a6 འགྱུར།། གདོས་བཅས་དམིགས་བུས་མི་མཐོང་ཡང་།། མངོན་ཤེས་ཡིད་གཟུགས་ཅན་གྱིས་མཐོང་།། གང་ལྟར་བརྟགས་པར་ཡུན་བརྟགས་ན།། རྟོག་པ་རྟས་པའི་འབྲས་བུ་ནི།། མངོན་སུམ་གསལ་བར་རེད་པར
iiif viewer powered by OpenSeadragon
