| e-texts navigator |
| Wylie |
387b1 རྒྱང་མར་འཕེན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་འདི་སྐད་ཅེས་གསུངས་སོ།། རྣལ་འབྱོར་ལས་ཀྱི་དཀྱིལ་འཁོར་དུ།། སྟོང་གི་འཇིག་རྟེན་འཁོར་ཡུག་བཅས།། ཤིན་ཏུ་གསལ་བར་བསྒོམས་པ
387b2 དང་།། ཏིང་འཛིན་རྩལ་ཅན་རབ་སྦྱང་ཕྱིར།། ནམ་མཁའི་ཁམས་སུ་འཕགས་ནས་ནི།། ས་ནས་ས་རུ་སྦར་བར་བྱ།། དེ་སྐད་ཅེས་གསུངས་སོ།། དེ་ནས་སེམས་དཔའི་རྡོ་རྗེ་ཉི་མའི་དཀྱིལ་འཁོར་འབུམ་འགྱེད་པ་ཞེས
387b3 བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ།། རྣལ་འབྱོར་སྡིགས་པའི་མཛུབ་མོ་ལ།། ཉི་མའི་དཀྱིལ་འཁོར་འབར་བར་ལས།། འོད་ཟེར་འབ་བ་འབུམ་འཕྲོས་པས།། འོད་ཟེར་དེ་དག
387b4 རེ་རེ་ལས།། ཉི་མའི་དཀྱིལ་འཁོར་འབུམ་འཕྲོས་པས།། དེ་ནི་མུན་པ་ཐམས་ཅད་སེལ།། ཞེས་གསུངས་སོ།། དེ་ནས་ཡང་སེམས་དཔའི་རྡོ་རྗེ་སྙིང་པོ་དེ་འབྱུང་བ་ཆེན་པོ་བསྐལ་པའི་ཆུ་རྒྱུན་ཞེས་བྱ་བའི་ཏིང་ངེ་འཛིན
387b5 ལ་སྙོམས་པར་ཞུགས་ནས་འདི་སྐད་ཅེས་གསུངས་སོ།། རྣལ་འབྱོར་ལག་པའི་འཁོར་ལོ་ལས།། ཆུ་ཟླའི་སྙིང་པོར་རབ་ཤར་ཏེ།། བདུད་རྩི་ཆུ་བོའི་རྒྱུན་བབས་པས།། སྲེག་པའི་བསྐལ་པའི་མེ་ཆེན་གསོད།། ཅེས
387b6 གསུངས་སོ།། དེ་ནས་ཡང་སེམས་དཔའི་རྡོ་རྗེ་དེ་སྐུ་ཕྱག་རྒྱ་འབར་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ།། རིན་ཆེན་འབར་བའི་ལིངྒ་ལ།། སངས་རྒྱས་ཡེ་ཤེས་དཔལ་གྱི
iiif viewer powered by OpenSeadragon
