| e-texts navigator |
| Wylie |
387a1 ངེ་འཛིན་ལ་སྙོམས་པར་ཞུགས་ཏེ་འདི་སྐད་ཅེས་གསུངས་སོ།། རྒྱ་མཚོ་རྡོ་རྗེས་གཏམས་པར་ནི།། ཏིང་འཛིན་གསལ་བར་གྱུར་པ་དང་།། རྒྱ་མཚོ་ཆེན་པོར་བགྲོད་ནས་ནི།། རྒྱ་མཚོ་གནས་པའི་སེམས
387a2 ཅན་རྣམས།། ཏིང་འཛིན་རྡོ་རྗེས་བསྒྲལ་བར་བྱ།། ཞེས་གསུངས་སོ།། དེ་ནས་ཡང་སེམས་དཔའི་རྡོ་རྗེ་སྙིང་པོ་དེ་ཐོགས་མེད་རླུང་ཟླའི་དཀྱིལ་འཁོར་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ།། ནམ
387a3 མཁའ་དག་གི་ལིངྒ་ལ།། ཟླ་བའི་དཀྱིལ་འཁོར་དབུས་གནས་པར།། བསྒོམ་ཏེ་ཏིང་འཛིན་རྟས་པ་དང་།། ཞིང་ཁམས་ཀུན་དུ་བགྲོད་པར་བྱ།། ཞེས་གསུངས་སོ།། དེ་ནས་ཡང་སེམས་དཔའི་རྡོ་རྗེ་སྙིང་པོ་དེས་ཉི་མར
387a4 རབ་ཏུ་སྣང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ།། ནམ་མཁའ་དག་གི་ལིངྒ་ལ།། ཉི་མའི་དཀྱིལ་འཁོར་དབུས་གནས་པར།། བསྒོམས་ཏེ་ཏིང་འཛིན་རྟས་པ་དང་།། མུན
387a5 པའི་གནས་རྣམས་ཐམས་ཅད་བསལ།། ཞེས་གསུངས་སོ།། དེ་ནས་ཡང་སེམས་པའི་རྡོ་རྗེ་སྙིང་པོ་ངེས་སྲེག་པའི་བསྐལ་པ་གཞིལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། རྣལ་འབྱོར་སྡིགས་འཛུབ
387a6 རྩེ་མོ་ལ།། ཟླ་བའི་དཀྱིལ་འཁོར་འོད་གསལ་འབར།། བསྒོམས་ཏེ་ཏིང་འཛིན་རྟས་པ་དང་།། ཆུ་རྒྱུན་བབས་ཏེ་གཞིལ་བར་བྱ།། ཞེས་གསུངས་སོ།། དེ་ནས་ཡང་སེམས་དཔའི་རྡོ་རྗེ་སྙིང་པོ་དེ་སྟོང་གི་འཇིག་རྟེན
iiif viewer powered by OpenSeadragon
