| e-texts navigator |
| Wylie |
386b1 ཡིས།། རྐྱེན་གྱིས་བསྒྱུར་ན་དེ་ལྟར་འགྱུར།། ལྕེ་བཅད་རལ་གྲི་མཚོན་ཆ་དེས།། རོ་ཡི་བྷན་དྷ་བཅད་པ་དང་།། ཇི་ལྟར་འདོད་པའི་རྫས་འགྲུབ་སྟེ།། བྷན་དྷ་གོ་རུ་བཟུང་ནས་ནི།། ལྕེ་ཡི་རལ་གྲི་ཐོགས་ནས་ནི།། ལྷ
386b2 མིན་གཡུལ་ཡང་བཟློག་པར་འགྱུར།། རོ་ལངས་གྲུབ་པའི་རྐང་མགྱོགས་ནི།། དཔག་པའི་ཚད་ལས་འདས་པ་སྟེ།། སྐྱེས་བུ་རྩལ་དང་ལྡན་པ་བཞིས།། ཕྱོགས་བཞི་དག་ཏུ་ཁ་བལྟས་ནས།། དུས་གཅིག་མདའ་ཡི་རྒྱང
386b3 འཕངས་ནས།། མདའ་ནི་ས་ལ་མ་འབབས་པར།། བཞི་ཀ་བར་སྣང་ལས་བླངས་ནས།། སྐད་ཅིག་ཙམ་གྱིས་འཇིག་རྟེན་སྐོར།། སྐྱེས་བུ་ལག་ཚོད་མ་ཡལ་བར།། དེ་མ་ཐག་རུ་གནས་སུ་སླེབས།། རོ་ལ་འདོད་པ་ཀུན
386b4 འབྱུང་ཞེས།། དུས་གསུམ་རྒྱལ་བ་རྣམས་ཀྱིས་བཤད།། ཅེས་གསུངས་སོ།། རོ་ལངས་བསྒྲུབ་པའི་ཏིང་ངེ་འཛིན་ཏོ།། དེ་ནས་ཡང་སེམས་དཔའི་རྡོ་རྗེའི་སྙིང་པོ་དེ་རྡོ་རྗེ་ནམ་མཁའི་ཐེམ་སྐས་ཞེས་བྱ་ཏིང་ངེ་འཛིན་ལ
386b5 སྙོམས་པར་ཞུགས་ནས་འདི་སྐད་ཅེས་གསུངས་སོ།། ནམ་མཁའ་རྡོ་རྗེར་བསྒོམས་ནས་ཀྱང་།། ཏིང་འཛིན་རེད་པར་གྱུར་པ་ན།། ཕན་ཚུན་གྱ་གྱུའི་ཐབས་ཚུལ་དུ།། རྡོ་རྗེ་སྐས་ལ་བགྲོད་ནས་ནི།། ནམ་མཁའི
386b6 དབྱིངས་སུ་སོང་ནས་ཀྱང་།། སྣང་སྲིད་འཇིག་རྟེན་ཁམས་ལ་བལྟ།། དེ་ནི་སེམས་ཡུལ་ཡངས་པར་འགྱུར།། ཞེས་གསུངས་སོ།། དེ་ནས་ཡང་སེམས་དཔའི་རྡོ་རྗེ་སྙིང་པོ་དེ་རྒྱལ་མཚོ་ཆེན་པོ་གནོན་པ་ཞེས་བྱ་བའི་ཏིང
iiif viewer powered by OpenSeadragon
