| e-texts navigator |
| Wylie |
385a1 མཆོག་གི་བདག་པོ་དེ་ཉིད་ཕྱག་རྒྱ་ཐམས་ཅད་ཕྱག་རྒྱ་བཀོད་པའི་ཕོ་བྲང་དུ་གྱུར་ཏོ།། སྤྲོ་བ་རྒྱུན་གྱི་ཏིང་ངེ་འཛིན་ཞེས་བྱའོ།། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་ཆོས་ཉིད་རྒྱུན་གྱི
385a2 ཏིང་ངེ་འཛིན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། ཆོས་ཀྱི་རྒྱུན་གྱི་ཏིང་ངེ་འཛིན་འདི་གསུངས་སོ།། ནམ་མཁའ་དོན་གྱི་གླེགས་བམ་ལ།། སྐར་ཚོགས་རིག་པའི་ཡིག་བྲིས་ཏེ།། འབྱུང་ཆེན་བཞི་ཡི་སྒྲ
385a3 སྒྲགས་པས།། གསང་སྔགས་ཆོས་ཀྱི་རྒྱུན་མི་འཆད།། ཆོས་ཀྱི་རྒྱུན་གྱི་ཏིང་ངེ་འཛིན་ཞེས་བྱ་བ་ཡོངས་སུ་རྫོགས་སོ།། དེ་ནས་ཡང་བཅོམ་ལྡན་འདས་གསང་བ་མཆོག་གི་བདག་པོ་དེས་བདུད་རྩི་རྒྱུན་གྱི་ཏིང་ངེ་འཛིན
385a4 ལ་སྙོམས་པར་ཞུགས་ཏེ་འདི་སྐད་ཅེས་གསུངས་སོ།། སྟོང་གསུམ་བྷ་ན་དྷའི་བཟང་ཁོང་དུ།། སྲིད་གསུམ་སེམས་ཅན་དུག་ཆེན་ལས།། དུས་གསུམ་སངས་རྒྱས་རྩི་སྦྱར་བས།། བདུད་རྩི་དཀྱིལ་འཁོར་ལྷུན་གྱིས
385a5 རྫོགས།། ཞེས་གསུངས་སོ།། དེ་ནས་ཡང་བཅོམ་ལྡན་འདས་སེམས་དཔའི་རྡོ་རྗེ་སྙིང་པོ་དེ་མཆོད་པ་རྒྱུན་གྱི་ཏིང་ངེ་འཛིན་ལ་སྙོམས་པར་ཞུགས་ཏེ། འདི་སྐད་ཅེས་གསུངས་སོ།། འཁོར་བ་རྒྱ་མཚོའི་ཡོ་བྱད
385a6 རྣམས།། མཆོད་པ་རྒྱ་མཚོའི་རྒྱན་ཡིན་ཏེ།། སྲིད་པ་རྒྱ་མཚོ་མཐའ་ཡས་ཀུན།། ཀུན་བཟང་མཆོད་སྤྲིན་མཆོག་ཏུ་རོལ།། ཞེས་གསུངས་སོ།། དེ་ནས་ཡང་སེམས་དཔའི་རྡོ་རྗེ་སྙིང་པོ་དེ་བཟླས་བརྗོད་རྒྱུན་གྱི་ཏིང་ངེ
iiif viewer powered by OpenSeadragon
