| e-texts navigator |
| Wylie |
384b1 ཀུན།། ཕྱག་རྒྱ་གཅིག་ཏུ་བཀོད་ནས་རྫོགས་པའི་སྐུ།། སྐུ་གསུམ་ལྷུན་གྲུབ་ཆོས་སྐུ་ཏོག་སྟོང་འབར།། དབུ་སྐྲ་ཁམ་ནག་རལ་པའི་ཅོད་པན་ཅན།། ཀླུ་རྒྱལ་འབུམ་གྱིས་བཀླུབས་ཤིང་མཆོད་ཀུན་འབུལ།། རྡོ་རྗེ་གསུང
384b2 གིས་ལྗགས་སྒྲ་བརྡབས་པས་ཀྱང་།། ཧཱུཾ་དང་ཕཊ་ཀྱི་སྒྲ་སྐད་འཇིགས་པར་སྒྲོགས།། ཐེག་ཆེན་དོན་དམ་གསང་སྔགས་སྒྲོགས་པའི་ཚིག། འབར་བའི་སྨིན་མ་མུན་རུམ་གློག་ལྟར་འགྱུ།། སྤྱན་དམར་བཟློག་པའི་སྡང
384b3 མིག་ཉི་ལྟར་འབར།། འབར་བའི་ཤངས་ནས་བསྐལ་པའི་ཚུལ་ནག་འཁྱིལ།། རྡོ་རྗེ་ཐོག་དང་གནམ་ལྕགས་སེར་ཆེན་འབེབས།། རྣོ་དཔལ་མཆེ་བ་ཟང་ཡག་གཙིགས་པ་ཡིས།། ཉོན་མོངས་ལོག་ལྷའི་ཚོགས་ལ་ངམ
384b4 ཞིང་འཁྲུག། ཐོས་རུས་ཤ་ཁྲག་རྐང་རུས་འབུ་དང་རྣག། ཟ་བྱེད་རྔམ་པའི་ཞལ་དུ་ཆེམ་ཆེམ་གསོལ།། སྦྲུལ་གདུག་ཀོ་རློན་ལ་སོགས་འཇིགས་པའི་རྒྱན།། རྔམ་པའི་སྐུ་ལ་ཤིན་ཏུ་བརྗིད་པར་བརྒྱན།། ཟ་བྱེད་རྔམ་དང
384b5 འཇིགས་བྱེད་མང་པོའི་ཚོགས།། འབར་བའི་ཕྱག་འཚན་སྤྲུལ་པའི་ཕོ་ཉ་མཛད།། འཁོར་བ་ཀུན་དང་ཐར་པའི་ཆོས་རྣམས་ཀུན།། དཔའ་བོ་ཆེན་པོའི་གདན་དུ་བརྗིད་ཅིང་རོལ།། འགྲན་གྱི་ཟླ་མེད་ཆེ་བཙན་གཅིག་པུ
384b6 ཉིད།། གསང་མཆོག་འབར་བའི་སྐུ་ལ་ཕྱག་འཚལ་བསྟོད།། དེ་སྐད་ཅེས་བསྟོད་པས་ཆོས་ཐམས་ཅད་སྐུ་ལ་ཡོངས་སུ་རྫོགས་ཤིང་སངས་མ་རྒྱས་པ་མེད་པར་གྱུར་ཏོ།། དེ་ནས་ཡང་བཅོམ་ལྡན་འདས་གསང་བ
iiif viewer powered by OpenSeadragon
