| e-texts navigator |
| Wylie |
382b1 འདས་གསང་བ་མཆོག་དེ་ཉིད་ཆོས་ཐམས་ཅད་སྐུ་ལ་ཡོངས་སུ་རྫོགས་པ་ཞེས་བྱ་བའི་ཏིང་ངེ་འཛིན་ནམ་ཕྱག་རྒྱ་ཐམས་ཅད་རྣམ་པར་སྤྱོད་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་འདུས་པ
382b2 ཕལ་མོ་ཆེའི་འཁོར་རྣམས་ཀྱིས་འཁོར་བ་དང་མྱ་ངན་འདས་པའི་ཆོས་ཐམས་ཅད་བཅོམ་ལྡན་འདས་གསང་བ་མཆོག་གི་བདག་པོའི་ཞབས་ཀྱི་གདན་ཁྲི་ཡན་ཆད་ནས་དབུའི་གཙུག་ཏེར་མན་ཆད་དུ་རྫོགས་པར
382b3 མཐོང་ངོ་།། དེ་ནས་ཡང་འཁོར་བ་འདོད་པ་ཁམས་ནི་ཆགས་པ་ཁྲག་གི་རྒྱ་མཚོར་རྫོགས། འཁོར་བ་གཟུགས་ཀྱི་ཁམས་ནི་ཞིང་ཆེན་གྱི་ས་གཞི་བདལ་བ་ལ་རྫོགས་པར་མཐོང་ངོ་།། ཀེང་རུས་ལ་གཟུགས་མེད་པའི
382b4 ཁམས་རྫོགས་པར་མཐོང་ངོ་།། རི་རབ་ཀྱི་ཁ་མུ་ཏིག་གི་གཅལ་དང་། ཨ་སྨ་གར་བའི་འབར་བའི་འོད་འཁྲིགས་པའི་ནོར་བུ་རིན་པོ་ཆེ་འབར་བའི་བྲག་གཏམས་པ་ལ།། ཉན་ཐོས་དང་། རང་སངས་རྒྱས་དང་། བྱང
382b5 ཆུབ་སེམས་དཔའ་རྣམས་རྫོགས་པར་མཐོང་ངོ་།། ནོར་བུ་རིན་པོ་ཆེའི་སྟེང་ན་རྡོ་རྗེ་རྩེ་གསུམ་དང་རྩེ་ལྔའི་བྲག་གཏམས་པ་ལ་ཀྲི་ཡང་དང་ཨུ་པ་ཡ་དང་ཡོ་ག་རྣམས་རྫོགས་པར་མཐོང་ངོ་།། རྡོ་རྗེ་བྲག་ཆེན་གྱི་སྟེང་ན
382b6 པདྨ་དཀར་པོའི་མཎྜལ་ལ་བསྐྱེད་པའི་རྣལ་འབྱོར་པ་ཐམས་ཅད་རྫོགས་པར་མཐོང་ངོ་།། པདྨའི་སྟེང་ན་ཉི་མ་ཉི་ཤུ་རྩ་བཞི་དང་། ཟླ་བ་ཉི་ཤུ་རྩ་བཞི་ཁ་སྦྱོར་དུ་བཀོད་པ་ལ་དབང་ཕྱུག་ཕོ་ཉི་ཤུ་རྩ་བཞི་དང་། མོ་ཉི
iiif viewer powered by OpenSeadragon
