| e-texts navigator |
| Wylie |
382a1 ཞེས་བྱ་བ་ལས་ཆོ་འཕྲུལ་གྱི་སྒྲ་བྱུང་བ།། མི་དམིགས་པ་ལས་སྣ་ཚོགས་པར།། སྣང་བའི་ཆོ་འཕྲུལ་འདི་བྱུང་བ།། རྣལ་འབྱོར་ས་བཅུ་རྫོགས་པའི་དོན།། ལྷུན་གྱིས་གྲུབ་པས་བདེ་བ་ཆེ།། ཞེས་སྒྲ་བྱུང
382a2 བས་ས་དགུ་འདུལ་བའི་བྱེ་བྲག་ཏུ་ཐུགས་སུ་ཆུད་པར་གྱུར་ཏོ།། དེ་ནས་སེམས་དཔའི་རྡོ་རྗེ་སྙིང་པོ་དེ་རི་བོ་བརྩེགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེས་འདུས་པ་ཕལ་མོ་ཆེའི་འཁོར་གྱིས
382a3 ཆོས་ཐམས་ཅད་རྡོ་རྗེ་འབར་བའི་རི་བོར་མཐོང་ངོ་།། དེ་ནས་དེའི་འོད་ལས་ཆོ་འཕྲུལ་གྱི་སྒྲ་འདི་བྱུང་ངོ་།། རྣམ་དག་ཤེས་རབ་མཁའ་ཀློང་ནས།། རྡོ་རྫ་འབར་བའི་རི་བོ་ཤར།། རྒྱ་ཆེ་གཏིང་ཟབ་ནམ་འཕང
382a4 གཅོད།། རྟོག་པའི་རི་བོ་འཇོམས་པར་བྱེད།། ཅེས་སྒྲ་བྱུང་བས་རྡོ་རྗེ་འབར་བའི་རི་བོས་ཉོན་མོངས་པའི་རི་བོ་ཐམས་ཅད་ཟིལ་གྱིས་མནན་ཏོ།། དེ་ནས་དབྱིངས་ཕྱུག་མ་ཆེན་མོ་ལྔ། ཤེས་རབ་ཟབ་མོའི་གཞལ་ཡས
382a5 ཡུམ་གྱི་མཁའ་ཀློང་རྣམ་དག་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། བྷ་གའི་སྙིང་པོ་ལས་ཆོ་འཕྲུལ་གྱི་སྒྲ་འདི་བྱུང་ངོ་།། བྷ་ག་གསང་བའི་འོད་ཟེར་ལས།། བདེ་གཤེགས་བཞུགས་པའི་གཞལ་ཡས
382a6 ཁང་།། ནམ་མཁའི་མཐའ་ལྟར་དཔག་ཏུ་མེད།། དུས་གསུམ་རྒྱལ་བ་རྒྱ་མཚོའི་དབྱིངས།། ཞེས་སྒྲ་བྱུང་ངོ་།། བྱུང་བས་ནམ་མཁའ་ཐམས་ཅད་ཕོ་བྲང་གི་གཞལ་ཡས་འབྱམས་ཀླས་པར་གྱུར་ཏོ།། དེ་ནས་བཅོམ་ལྡན
iiif viewer powered by OpenSeadragon
