| e-texts navigator |
| Wylie |
381b1 གྱུར་ཏོ།། དེ་ནས་ཡུམ་ཆོས་ཀྱི་དབྱིངས་ཕྱུག་མ་ཞེས་བྱ་བ་དེས་འབར་འཕྲོ་མེའི་ཏིང་ངེ་འཛིན་ལ་སྙོམས་པར་ཞུགས་སོ།། འདུས་པ་ཕལ་མོ་ཆེའི་འཁོར་གྱིས་ཆོས་ཐམས་ཅད་མེའི་རང་བཞིན་དུ་གནས་པར་མཐོང
381b2 ངོངོ།། དེ་ནས་མིའི་འོད་ཟེར་ལ་ཆོ་འཕྲུལ་གྱི་སྒྲ་བྱུང་བ།། ཨ་ཡི་བྱིན་བརླབས་ཡེ་ཤེས་ལས།། ཆོ་འཕྲུལ་མེ་ཡི་ཉིང་པོར་ཤར།། འབར་བས་གསལ་བྱེད་ཡེ་ཞེས་འཕྲོ།། དངོས་པོ་ཀུན་ཟད་མེད་ཀློང་འཚུབ།། ཅེས་སྒྲ
381b3 བྱུང་བས་མེའི་བསྐལ་པ་འབྱམ་ཀླས་སོ།། དེ་ནས་ཡང་ཡུམ་རིན་ཆེན་དབྱིངས་ཕྱུག་མ་ཞེས་བྱ་བདེ་སྡུད་པ་རྒྱ་མཚོའི་ཏིང་ངེ་འཛིན་ལ་སྙོམས་པར་ཞུགས་སོ།། དེས་འདུས་པ་ཕལ་མོ་ཆེའི་འཁོར་གྱི་ཆོས་ཐམས་ཅད
381b4 ཆུའི་རང་བཞིན་དུ་གནས་པར་མཐོང་ངོ་།། དེ་ནས་རླབས་ཀྱི་འོད་ཟེར་ལས་ཆོ་འཕྲུལ་གྱི་སྒྲ་འདི་བྱུང་ངོ་།། རྒྱུ་ཡི་ཡི་གེ་འོད་ཟེར་ལས།། ཆུ་ཡི་སྙིང་པོའི་ཆོ་འཕྲུལ་ཤར།། ནམ་མཁའི་མཐའ་དང་མཉམ་པའོ།། ཀླུང
381b5 མཚོ་ཐམས་ཅད་རྒྱས་པར་གྱུར།། ཞེས་སྒྲ་བྱུང་བས་ཐམས་ཅད་ཡུམ་རིན་ཆེན་དབྱིངས་ཕྱུག་མའི་རང་བཞིན་གྱིས་ཁྱབ་པར་གནས་སོ།། དེ་ནས་ཡུམ་ཆེན་མོ་རྡོ་རྗེ་དབྱིངས་ཕྱུག་མ་ཞེས་བྱ་བས་ཞིང་ཁམས་ཐམས་ཅད
381b6 བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་འདུས་པ་ཕལ་མོ་ཆེའི་འཁོར་གྱིས་ཆོས་ཐམས་ཅད་ས་རྣམས་ཡོངས་སུ་རྫོགས་པའི་རང་བཞིན་དུ་མཐོང་ངོ་།། དེ་ནས་ས་རྡོ་རྗེ་འབར་བ
iiif viewer powered by OpenSeadragon
