| e-texts navigator |
| Wylie |
381a1 འཕྲུལ་སྣ་ཚོགས་ཀྱི་རང་བཞིན་དུ་སྣང་བར་གྱུར་ཏོ།། དེ་ནས་ཡུམ་ཆེན་མོ་ནམ་མཁའི་དབྱིངས་ཕྱུག་མ་ཞེས་བྱ་བ་དེ་ཆོས་ཐམས་ཅད་ནམ་མཁའི་བྷ་གར་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ
381a2 སྙོམས་པར་ཞུགས་སོ།། ཞུགས་པར་གྱུར་པ་དང་འདུས་པ་ཕལ་མོ་ཆེའི་འཁོར་གྱིས་ཆོས་ཐམས་ཅད་ནམ་མཁའ་ཁྱབ་པའི་རང་བཞིན་དུ་མཐོང་ངོ་།། དེ་ནས་ཡུམ་གྱི་བྷ་གའི་སྙིང་པོ་ལས་འོད་ཟེར་མཐིང་ག་འཕྲོས
381a3 ནས་ཉི་མའི་སྙིང་པོའི་ཨ་ལ་བསྐུལ་བས་ཡི་གེ་ཨེ་མཐིང་ག་འཕྲོས་ཏེ་ལྡིང་ཞིང་གནས་པ་ལས་ཆོ་འཕྲུལ་གྱི་རང་སྒྲ་འདི་བྱུང་ངོ་།། ཨ་ནི་ཨེ་ཡི་རང་བཞིན་ཏེ།། ཨ་ལས་ཨེ་བྱུང་མཁའ་ཁྱབ་བད་ལ།། མི་འགྱུར་ཐོགས
381a4 མེད་བསམ་ལས་འདས།། མཐའ་དང་དབུས་མེད་ཀུན་དུ་བད་ལ།། ཞེས་སྒྲ་བྱུང་བས།། ཐམས་ཅད་ནམ་མཁའི་རང་བཞིན་དུ་ཕྱམ་ཆད་པར་གྱུར་ཏོ།། དེ་ནས་ཡང་ཡུམ་ཆེན་མོ་ལས་ཀྱི་དབྱིངས་ཕྱུག་མས་ཡང་ཞིང
381a5 གཡོ་བ་རླུང་གི་དཀྱིལ་འཁོར་ཞེས་བྱ་བ་ལ་སྙོམས་པར་ཞུགས་སོ།། དེས་འདུས་པ་ཕལ་མོ་ཆེའི་འཁོར་གྱིས་ཆོས་ཐམས་ཅད་རླུང་གི་རང་བཞིན་དུ་གནས་པར་མཐོང་ངོ་།། དེ་ནས་རླུང་དེ་ལས་ཆོ་འཕྲུལ་ཀྱི་སྒྲ་བྱུང
381a6 ངོ་།། ཨ་ཡི་བྱིན་བརླབས་ཡེ་ཤེས་ལས།། རླུང་གི་ཆོ་འཕྲུལ་ཡཾ་དུ་ཤར།། ཐམས་ཅད་འདེབས་པའི་སྟོབས་ལྡན་ཞིང་།། རང་བཞིན་གཡོ་ཞིང་ཐོགས་མེད་འཕྱོ།། ཞེས་སྒྲ་བྱུང་བས་རླུང་གི་དཀྱིལ་འཁོར་དུ་འཁྱིལ་པར
iiif viewer powered by OpenSeadragon
