| e-texts navigator |
| Wylie |
380b1 འཁོར་ཞིག་ཤར་བར་གྱུར་ཏོ།། དེ་ནས་འདུས་པ་ཕལ་མོ་ཆེའི་འཁོར་རྣམས་ཡང་དག་པར་རྟོག་པ་འདི་ལྟར་སྐྱེས་ཏེ།། ཨེ་མ་ཆོས་ཐམས་ཅད་ཀྱི་རང་བཞིན་འདི་ལྟར་ཡིན་པ་ལས་འདི་ལྟར་མ་ཤེས་པའི་འགྲོ་བ་རྣམས
380b2 འཁོར་བའི་རྒྱ་མཚོར་བྱིང་བ་འདི་ཡང་སྙིང་རྗེ་ཞེས་སྙིང་རྗེ་བྱང་ཆུབ་ཀྱི་སེམས་སྐྱེས་པར་གྱུར་ཏོ།། དེ་ནས་ཉི་མའི་སྙིང་པོའི་འོད་ཟེར་ལས་ཆོ་འཕྲུལ་གྱི་སྒྲ་བྱུང་ངོ་།། ཡོངས་ལ་ཁྱབ་པའི་ཉི་མའི་འོད།། སྙིང་རྗེ་བྱང
380b3 ཆུབ་སེམས་ཡིན་ཏེ།། རྣམ་རྟོག་མུན་པ་སེལ་བར་སྣང་།། ཡིད་བཞིན་རིན་ཆེན་འབར་བའོ།། ཞེས་སྒྲ་བྱུང་བ་ལས་ཆོས་ཐམས་ཅད་བྱང་ཆུབ་ཀྱི་སེམས་ཀྱི་འོད་ཟེར་དུ་གསལ་བར་གྱུར་ཏོ།། དེ་ནས་ཡང་བཅོམ་ལྡན
380b4 འདས་གསང་བའི་མཆོག་གི་བདག་པོ་དེ་ཉིད་ཆོ་འཕྲུལ་འབྱུང་བའི་རྒྱུ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་འདུས་པ་ཕལ་མོ་ཆེའི་འཁོར་རྣམས་ཀྱིས་ཉི་མའི་སྙིང་པོ་ལས་ཆོས་ཐམས་ཅད་ཀྱི
380b5 རྒྱུ་ཡི་གེ་ཨ་དཀར་པོ་ཤར་བར་མཐོང་ངོ་།། དེ་ནས་ཨ་ལས་ཆོ་འཕྲུལ་སྒྲ་བྱུང་ངོ་།། ཨ་ནི་ཆགས་མེད་ཡི་གེའི་མཛོད།། ཆོ་འཕྲུལ་རྟོག་པ་ཀུན་གྱི་རྒྱུ།། ཉོན་མོངས་སྐྱོན་བྲལ་ཟླ་བའི་མདོག། ཆོ་འཕྲུལ་སྣ་ཚོགས་འབྱུང
380b6 བའི་རྒྱུ།། ཞེས་སྒྲ་བྱུང་བས་འདུས་པའི་ཚོགས་རྣམས་ཀྱིས་ཆོས་ཐམས་ཅད་ཆོ་འཕྲུལ་གྱི་རང་བཞིན་དུ་གནས་པར་མཐོང་ངོ་།། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེ་ཅི་ཡང་མི་མཛད་པ་ཆོ
iiif viewer powered by OpenSeadragon
