| e-texts navigator |
| Wylie |
380a1 འཁོར་བསམ་པ་རངས་པར་གྱུར་ཏོ།། རྒྱུད་ཀྱི་རྒྱལ་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་སྐོང་བ་ལས་བསྒྲུབ་ལུགས་ཀྱི་ལེའུ་སྟེ་བརྒྱད་པའོ།། །། དེ་ནས་བཅོམ་ལྡན་འདས་གསང་བ
380a2 མཆོག་ཉིད་ཏིང་ངེ་འཛིན་རྒྱས་ཤིང་རྣམ་པར་འཕྲུལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། སེམས་དཔའ་རྡོ་རྗེའི་སྙིང་པོ་ཡང་ཏིང་ངེ་འཛིན་རྣམ་པར་འཕྲུལ་པ་ཞེས་བྱ་བ་ལ་སྙོམས་པར་ཞུགས
380a3 སོ།། འདུས་པའི་འཁོར་རྣམས་ཀྱང་སྣ་ཚོགས་འཕྲུལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་འདུས་པ་ཕལ་མོ་ཆེའི་འཁོར་གྱིས་ཆོས་ཐམས་ཅད་ཅི་ཡང་མེད་པར་མཐོང་ངོ་།། ཆོས་ཐམས
380a4 ཅད་ཅི་ཡང་མེད་པར་གསལ་བར་གྱུར་པ་དང་། ཆོས་ཉིད་སྟོང་པའི་ནམ་མཁའ་ལས་བྲག་ཅའི་ཚུལ་དུ་སྒྲ་འདི་བྱུང་ངོ་།། མི་གནས་མི་རྟོག་བསམ་དང་བྲལ།། མ་ཆགས་ཆགས་བྲལ་ཡུལ་ལས་འདས།། ཅི་ཡང་མི
380a5 འབྱུང་ཅིར་མ་ཡིན།། རང་བྱུང་རང་ཞི་བརྗོད་དང་བྲལ།། ཞེས་སྒྲ་བྱུང་བས་སྟོན་པ་ནི་དོན་གྱི་ཆེ་བ་ཕུང་།། འཁོར་རྣམས་ནི་རྩལ་སྦྱངས། ཐམས་ཅད་དོན་ལ་ངམ་ཞིང་ཆོས་ཉིད་ཀྱི་ནམ་མཁའ་མཐོང་ངོ་།། དེ་ནས
380a6 བཅོམ་ལྡན་འདས་གསང་བ་མཆོག་གི་བདག་པོ་ཉིད་སྙིང་རྗེ་རྒྱུན་གྱི་ཏིང་ངེ་འཛིན་ཞེས་བྱ་བ་ལ་སྙོམས་པར་ཞུགས་སོ།། དེ་ནས་ཆོས་ཉིད་ཀྱི་ནམ་མཁའ་ལ་སྙིང་རྗེ་བྱང་ཆུབ་སེམས་ཀྱི་གཟུགས་བརྙན་ཉི་མའི་དཀྱིལ
iiif viewer powered by OpenSeadragon
