| e-texts navigator |
| Wylie |
37b1 ད་དོན་དུ་གཅིག། བྱང་ཆུབ་སེམས་ཀྱི་མཚན་ཉིད་ནི།། སེམས་ཅན་ཀུན་གྱི་མཚན་ཉིད་དེ།། ཡེ་ནས་འཛིན་པའི་དྲི་མ་དག། བདེ་ཆེན་ཀློང་དུ་ཡེ་ནས་གྲོལ།། ཟག་པ་མེད་ཅིང་རང་བཞིན་སྟོང་།། བདེ་ཆེན་སྤྲོས་བྲལ
37b2 ཟག་མེད་ལ།། དག་པའི་སེམས་མེད་མ་དག་མེད།། འདི་འདྲ་མེད་ཅིང་རྟོག་པ་མེད།། ཞིང་ཁམས་དག་ཀྱང་ཡོད་མ་ཡིན།། མེད་ཙམ་ཉིད་ནས་སྣ་ཚོགས་འབྱུང་།། མཚན་ཉིད་མི་འགྱུར་གཡོ་བ་མེད།། གཉིས་མིན
37b3 གཉིས་ནི་ཐ་སྙད་བྲལ།། མི་གཉིས་པ་ཉིད་གཉིས་མེད་སྤྱན།། ལྷུན་གྲུབ་མ་འགགས་ཀུན་ཏུ་གསལ།། ཨེ་མ་ཧོ་བདེ་བ་ཆེན་པོའི་རང་བཞིན་ནི།། ཡང་དག་པར་ནི་ཀུན་བཟང་གི།། སྐུ་གསུང་ཐུགས་ལས་གཡོ་བ
37b4 མེད།། སེམས་ཅན་གྱི་ལུས་ངག་ཡིད་གསུམ། ཁྱད་རྡུལ་ཙམ་ཡང་མེད་ཅིང་འདྲ།། རང་སྣང་མཚན་ཉིད་ཐ་དད་འདུག་པའོ།། འདུག་ཙམ་ཉིད་ནས་རང་གི་ཆོ་འཕྲུལ་ཏེ།། ཆོ་འཕྲུལ་ཆེན་པོར་རང་ཤར་བས།། མཐའ
37b5 ལ་མི་གནས་པ་ཞེས་བྱའོ།། མཐའ་ཐམས་ཅད་རབ་ཏུ་འདུས་པ་ཞེས་བྱའོ།། འདུ་འཕྲོ་སེམས་སུ་ཤར་བའོ།། མཐའ་ཡས་གཅིག་ཏུ་སྣང་བའོ།། གཅིག་ཏུ་ཀུན་ཏུ་ཤར་བའོ།། གཞི་འཛིན་པ་ཡི་རིག་པའོ།། བཀག
37b6 པས་མི་ཁེག་པ་ཡི་ཡེ་ཤེས་ལ།། བསླད་པས་མི་བསླད་པ་ཡི་ཆོས་སྐུའོ།། ཐམས་ཅད་མཁྱེན་པའི་སྦྲུལ་སྐུ་ལ།། མཉམ་པ་ཆེན་པོའི་འབྲས་བུའོ།། དངོས་པོ་མཚན་མ་མེད་པའི་ཆོས་ཉིད་ལ།། དམིགས་གཏད་གང
iiif viewer powered by OpenSeadragon
