| e-texts navigator |
| Wylie |
379a1 རྡོ་རྗེ་དམ་ཅན་དགོངས་སུ་གསོལ།། ཐུགས་རྗེས་གདུང་འཚོ་བ་རྡོ་རྗེ་ཐོད་པ་ཅན།། བདག་ཅག་དྲེགས་པའི་བདག་པོ་འདིར་ཚོགས་ཀུན།། འགྲོ་བའི་དོན་ཕྱིར་བྱང་ཆུབ་སེམས་བསྐྱེད་དེ།། བླ་མེད་གོ
379a2 འཕང་འཐོབ་པར་བྱ་བའི་ཕྱིར།། བསྟན་པ་རྒྱ་མཚོ་སོ་སོའི་འདུལ་ཁྲིམས་དང་།། སྐུ་གསུང་ཐུགས་དང་མཉམ་སྦྱོར་སྡོམ་པའི་མཆོག། འདའ་དཀའ་རྡོ་རྗེ་དམ་ཚིག་གཏན་གྱི་གཉེར།། སྤྱི་དང་ལྷག་པའི་ཁྱད་པར་དམ
379a3 ཚིག་རྣམས།། སྔ་ཕྱི་མནོས་ཤིང་གཉེར་དུ་རྨའོ་འཚལ།། དོན་ལས་གོལ་ཞིང་ལྡོག་སེམས་མ་མཆིས་ཀྱང་།། གདོད་བྱ་ལོང་ཡོད་སྙམ་པའི་ལེ་ལོ་དང་།། ཀློང་དུ་གྱུར་པའི་རྩལ་ཤུག་ཆུང་བ་ཡིས།། ཤེས་བཞིན་མ་ལྡན
379a4 དམ་ཚིག་འགལ་འགྱུར་ཏེ།། དང་པོའི་ཐ་ཚིག་བཀའ་ལ་བཏགས་པའི་ཚེ།། བཀའ་ལ་མ་གུས་གལ་བགྱིས་དཔྱས་ལོང་བཏོགས།། བར་དུ་བསླབ་པའི་གཉེར་ཆེན་ཕོག་པའི་ཚེ།། བསླབ་ལ་མི་བརྩོན་དོན་ལ་གཡེལ་བ
379a5 དང་།། ཐ་མ་འདི་ཚེ་འབྲས་བུ་སྒྲུབ་པ་ན།། བཀའ་དང་གཞུང་བཞིན་མ་ལྕོགས་དོན་ལས་འགལ།། ཚོར་དང་མ་ཚོར་སྒྲིབ་པ་ཆེ་ཆུང་རྣམས།། ཤིན་ཏུ་མི་ཤེས་མ་རིག་དབང་གིས་ན།། སྟོན་པའི་བཀའ་དང་དམ་ལས
379a6 འགལ་བགྱིས་པ།། དཔའ་བོ་ཐུགས་རྗེས་བདག་ལ་བཟོད་པར་གསོལ།། འཁོར་བ་ཐོག་མ་མེད་པའི་དུས་མཐའ་ནས།། ལས་ཀྱི་དབང་གིས་བདག་ཅག་རིང་དུ་འཁྱམས།། ཉོན་མོངས་ལོག་པར་ལྟ་བའི་དུག་འཐུངས
iiif viewer powered by OpenSeadragon
