| e-texts navigator |
| Wylie |
378b1 གཙོ།། ཐུགས་རྗེ་ཐབས་མཁས་རྒྱ་ཆེན་རོ་པ་ཡི།། ཆོ་འཕྲུལ་སྤྲུལ་པའི་ཚོགས་ལ་ཕྱག་འཚལ་ལོ།། དངོས་སུ་འབྱོར་དང་ཡིད་ཀྱིས་སྤྲུལ་པ་ཡི།། ཀུན་ཏུ་བཟང་པོ་བླ་མེད་མཆོད་སྤྲིན་གྱིས།། མཁའ་དབྱིངས་རྣམ་དག
378b2 རྒྱ་ཆེན་ཡོངས་བཀང་ནས།། ཕྱི་ནང་གསང་བའི་མཆོད་པ་རྒྱ་ཆེར་མཆོད།། ཀུན་དུ་བཟང་མོ་ཡུམ་གྱི་བྷ་ག་ལ།། འདུ་འབྲལ་མེད་པའི་ངང་དུ་རོ་གཅིག་པའི།། གཉིས་མེད་བྱང་ཆུབ་སེམས་ཀྱིས་མཉེས་གྱུར
378b3 ཅིག། སེམས་ཀྱི་རང་བཞིན་ཆོས་དབྱིངས་ནམ་མཁའ་ཆེ།། ཆོས་ཉིད་རྣམ་དག་རྒྱ་ཆེ་འོད་གསལ་བས།། རྣལ་འབྱོར་ཉིད་དབྱིངས་སྨྲ་བསམ་ལས་འདས་པས།། མཉམ་ཉིད་བྱང་ཆུབ་སེམས་ལ་རྟག་ཏུ་འདུད།། ཀུན
378b4 བཟང་རྫོགས་ཆེན་ཡེ་ནས་བདལ་བ་ལ།། ཕྱི་ནང་གསང་བའི་དཀྱིལ་འཁོར་བཀོད་པ་ནི།། སྣང་སྲིད་རྣམ་དག་ཀུན་བཟང་ཡུམ་གྱི་དབྱིངས།། འབྱུང་དང་འབྱུང་འགྱུར་ཡབ་ཡུམ་ལྷུན་རྫོགས་རྣམས།། གསང་ཆེན་རབ
378b5 རྫོགས་གཟུངས་ཆེན་བདག་ཉིད་མ།། གཉིས་མེད་ཐིག་ལེ་ཆེན་པོར་འོད་གསལ་བ།། ཅིར་ཡང་སྣང་བས་བདེ་ཆེན་གཡུང་དྲུང་ལྷ། འདུ་འབྲལ་མེད་པ་གསང་བའི་དཀྱིལ་འཁོར་ནི།། བདག་ཉིད་ཆེན་པོ་བཅོམ་ལྡན
378b6 ཡབ་ཡུམ་དང་།། བྱང་ཆུབ་ལྕམ་དྲལ་ཁྲོ་བོ་ཁྲོ་མོའི་ཚོགས།། རྡོ་རྗེ་ལྷ་མོ་ཚོགས་རྗེ་ཚོགས་ཀྱི་བདག། མ་ལྟར་བྱམས་ཤིང་སྲིང་ལྟར་གདུང་ལ་སོགས།། ཉེས་ལེགས་ལྟར་འཛིན་དམ་ཚིག་རྗེས་གཅོད་མ།། དབང་གྱུར
iiif viewer powered by OpenSeadragon
