| e-texts navigator |
| Wylie |
378a1 དང་། ཏིང་ངེ་འཛིན་ཆེན་པོའི་མེས་བག་ཆགས་ཐམས་ཅད་བསྲེགས་ཏེ་མེད་པར་བྱ་བ་དང་། བྱང་ཆུབ་སེམས་ཀྱི་འོད་ཟེར་གྱིས་བག་ཆགས་ཀྱི་མུན་ནག་ཐམས་ཅད་བསལ་ཏེ་དེ་དག་དག་པར་བྱ་བ
378a2 དང་། སྤྱོད་པ་རླབས་པོ་ཆེའི་ཆུས་བཀྲུ་བའོ།། དེ་ལ་བཤགས་པར་བྱ་བའི་ཡུལ་ནི་འདི་ལྟ་སྟེ། སངས་རྒྱས་དང་། རིག་འཛིན་དང་། ལྷ་དང་། བླ་མ་དང་། གླེགས་བམ་དང་། གྲོགས་པོ་དང་། རྟེན་དུ་གྱུར་པ་རྣམས
378a3 སོ།། བཤགས་པར་བྱ་བའི་རྒྱུ་ནི་འདི་ལྟ་སྟེ། སྒྲིབ་པ་ཆེ་ཆུང་བཤགས་པའོ།། ཉོན་མོངས་པ་རགས་པ་མངོན་དུ་གྱུར་པ་བཤགས་པ་དང་། བག་ལ་ཉན་དང་ཤེས་བྱའི་སྒྲིབ་པ་བཤགས་པའོ།། དེའི་ཕྱིར་ལྟུང་བར་གྱུར
378a4 པའི་ལས་རྣམས་འགྱོད་པ་དྲག་པོས་བསྟེན་ལ་ཐབས་ལ་མཁས་པས་དཔྱད་དེ།། སྒྲིབ་པ་ཆེ་ཆུང་ཆ་ཤས་ཀྱིས་ཕྱེ་ལ་གུས་པར་བཤགས་པ་གྱིས་ཤིག། དེ་སྐད་ཅེས་བཀའ་སྩལ་པ་དང་། རིག་འཛིན་ཆེན་པོ་མིའི་ཐོད་པ
378a5 ཅན་རྣམས་མགུ་ཞིང་རངས་ཏེ་རྣལ་འབྱོར་སྦྱོར་བའི་ཕྱག་བྱས་ནས། འགྱོད་ཅིང་གདུག་པའི་གླུ་འདི་བླངས་སོ།། ཨོཾ་ཡེ་ཤེས་སྐུ་མཆོག་རང་བཞིན་དཀྱིལ་འཁོར་ནི།། ཟླ་རྒྱས་བཞིན་དུ་སྤྲོས་པ་མི་མངའ་ཡང་།། ཐུགས
378a6 རྗེ་ཉི་གསལ་འོད་བཞིན་སྙོམས་མཛད་ལྷ།། བདེར་གཤེགས་གཞུགས་ཤིང་བདག་ལ་དགོངས་སུ་གསོལ།། བརྗོད་མེད་ཤེས་རབ་མི་གཡོ་ཆོས་མཆོག་དབྱིངས།། བདེ་ཆེན་ལོངས་སྤྱོད་རྫོགས་སྐུ་རིགས་ལྔའི
iiif viewer powered by OpenSeadragon
